Ný grein á Huga

Umhverfisráðherra og lýðræði.

Eftir að hafa horft á fréttir Stöðvar 2 í gær þar sem talað var við umhverfisráðherra, Sigríði Önnu Þórðardóttur. Ég veit að stjórnmálamenn nota lygar og búa til einhvern veruleika sem þeir halda fram að sé réttur til að blekkja almenning og fjölmiðla í þeim tilgangi að ná fram sínum pólitísku markmiðum. Umrætt viðtal snérist um Diesel olíu. Olían átti að vera ódýrari en bensínið þegar stóð til að breyta kerfinu í sambandi við þungaskatt og það sem snýr almennt að diesel olíu viðkiptum. En þegar allt kom til alls er olían dýrari en bensínið. Fréttamaður stöðvar tvö spurði ráðherra réttilega hvort hefði ekki verið tækifæri að hafa olíuna ódyrari, því diesel mengar minna og bílarnir eyða minna. Það er því hvatning að kaupa sér þannig bíl. Það sem ég er svo gáttaður á hvernig ráðherrann segir að þessi hækkun sé til góðs og sé hvatning fyrir fólk. Smellið hér til að horfa á klippuna.

Mér finnst ótrúlegt að horfa uppá ráðamenn fara með svona rökleysu og mjög svo undarlega tilraun til að opinbera mikið áræði að ljúga að kjósendum og landsmönnum í fréttum og virkilega halda að fólk sé þessu alveg sammála. Kannski virkar þetta vel því hún veit að flestir Íslendingar gleyma öllu sem stjórnmálamenn segja og gera hvort sem er. Og þegar ráðherrar og aðrir pólitíkusar eru farnir að ganga út frá því að við gleymum og getum hvort ekki gert neitt í málinu, þá er það bara í lagi að segja þetta svona beint út. Þetta kemur beint inn á merkingu lýðræðishugtaksins, sem hér á Íslandi er verulega brenglað merkingarlega. Í stuttu máli, fólk hefur ákveðið vald til að segja til um hverjir stjórna og hvernig þeir gera það. En í raun er það ekki hér á landi. Hér er svokallað fulltrúalýðræði, sem líka er afbökun á því orði, því hér höfum við ekki neitt að segja um hverjir eru kosnir eða hvernig. Almenningi er talið trú um að prófkjör (sem eru svo til aldrei bindandi, þó svo það sé auglýst) og kosningar séu leið okkar til áhrifa. Sú staðreynd að atkvæðavægi er ekki jafnt milli landsmanna og að við verðum að kjósa ákveðna lista en ekki einstaklinga gera þetta að algerum skrípaleik. Það sem er þó verst við þetta eru blessuð loforðin. Tek sem dæmi muninn á Bandaríkjunum og Íslandi. Ef flokkur lofar einhverju, til dæmis að lækka skatta og draga úr peningum til hersins og bæta menntakerfið, þá er það gert. Það er, menn fá það sem þeir kjósa. Og ef fólk er ekki sátt, þá falla menn og flokkar í næstu kosningum. Hér eru loforð sem ekki er staðið við og við fáum ekki séns á að fella þá sem standa sig illa. Það er hugsanlega vegna þessa "lýðræðisgalla" sem umhverfisráðherra lætur svona bull útúr sér. Hún veit að hún kemst upp með að misbjóða fólki, og hún veit lika að hún þarf ekki að segja af sér frekar en aðrir sem það ættu að gera. Og það er alltaf hægt að ljúga meira að almenningi og sérstaklega fjölmiðlum sem gleypa við öllu hráu.

Þetta var greinin og hér er linkur á huga... það eru komin nokkur svör.

Íshokki.

Við Freyja förum á miðvikudaginn var á Íshokkíleik í Skautahöllinni í Laugardal. Það var Skautafélag Reykjavíkur eða SR á móti Skautafélagi Akureyrar eða SA. Sem sagt SR -SA. Freyja hélt með Akureyringum nátturulega, en ég með Reykjavíkurliðinu. SR vann 9-6 í góðum leik. Það kom mér á óvart hversu gaman er að sjá íshokkí leik. Núna er það markmið mitt á fá fleiri vini mína með. Mikill hraði og talsvert óþarfa ofbeldi. Samt drengilega leikið. Reglurnar einfaldar líka....þannig að maður nær þessu strax. Það brotnaði bara ein kylfa í öllum leiknum :) Þetta var mega fjör. Mæli með þessu fyrir alla sem geta komist.

Svo hitti ég Sævar úr Huldulandinu, eld gamall vinur minn síðan við vorum 3 ára eða svo. Hann er frægur fyrir að hafa verið annar tveggja skipverja sem voru fastir í risastórum viðgerðar pramma í nokkra daga á leið frá Evrópu til Íslands. Alvöru sjóara hetja þar á ferð, svo var hann háseti í Landhelgisgæslunni einusinni. Frábært að hitta hann aftur.

Svo daginn eftir... það er í gær...þá fórum við í Spinning í Hreyfingu. Sem var ekki í frásögur færandi, nema fyrir það að tíminn átti að vera 45 min, en varð 65 mín. Því það var DJ sem sá um tónlistina og mikið fjör í Hreyfingu. Svo fór ég aftur í spinning í morgun. Og hugsanlega fótboltaæfing í kvöld líka.... það er ekki í lagi.

Eins fór ég og fékk mér skó í Intersport því þeir voru með tilboð. Asics Nimbus skórnir sem ég þarf kostuðu bara 13,000 í stað 16,000 eins og venjulega. Svo skoðuðum við golfpúttera, því ég þarf nýjann. Svo er innflutningsparty hjá Hauki og Zaveh á morgun Laugardag. Þangað förum við Freyja.

Meira um slagsmálin

Well.. það var athyglisvert að fara í gymmið í morgun. Í gufunni voru menn að tala um einhverja heimasíðu þar sem ofbeldismenn og rugludallar eru að gorta sig af því að berja fólk niðri í bæ. http://fazmo.tk/ er síðan og þarf að lesa bæði bloggið og kommentin. Miðað við hvað ég sá...þá eru þetta algerir bjánar. Þetta er kókaín, stera, mikilmennskubrjáliðs, ofbeldis aumingja pakk. En af mér að frétta... ég þyngdil lóðin í tímanum í morgun og er þar af leiðandi frekar aumur og andlaus. En ég setti nýjan banner á heimasíðuna mína og er að fara að setja inn nýtt download vikunar.

Smá djamm um helgina

Við Haukur og Gissi fórum á smá djamm um helgina, nánar tiltekið á föstudagskvöldið. Við byrjuðum heima hjá Gissa þar sem við drukkum bjór og kjöftuðum áður en við röltum í bæinn og komum við á Ölstofunni. Eftir 5 mínútna viðveru þar fórum við á Nelly´s þar sem við fengum okkur bjór og Gissi tók Hauk í kennslustund í sjálfsvörn og árasartaktík. Þar voru fullir Íslendingar og ein stelpan var eins og breimandi köttur, nuddandi rassinum upp við alla karlmenn sem hún sá. Það var bæði fyndið og sorglegt að sjá. Svo var önnur sem reyndi við allt, bæði Gissa og Hauk, og um um tíma voru þau ákveðin að gifta sig strax, og þar sem ég sagðist einmitt vera prestur við það tilefni var ákveðið að ég gifti þau þegar við færum út. En það gekk ekki eftir því hún sá aðra karlmenn sem hún reyndi við, bæði Hákon vin Hauks og einhverja fleiri inni á Hressó þegar við komum þangað inn. Ef einhver veit hvar ég finn svona prestskyrt með hvítum kraga... endilga látið mig vita. Það gæti verið partýtrikk hið besta að eiga svoleiðis. Ég kom heim um klukkan fimm un nóttina. Þegar ég var að segja bless við Hauk og Gissa fyrir framan Pravda (gamla Astró)kom einn náungi fljúgandi út, í bókstaflegri merkingu, og lenti á bakinu á götunni. Svo stóð hann upp og var aftur barinn af tveim stera/kókaín fávitum sem hlupu burtu og dyraverðirnir gerðu ekkert. Það var óhuggulegt að sjá þetta því þetta var svo snöggt. Ef ég eða einhver hefði lent í þessum náungum hefði maður í raun ekki geta gert neitt til að verja sig. Gissi hafði sagt okkur Hauki fyrr um kvöldið að það væri um það bil 3 slagsmál á þessum stað á hverju kvöldi, og það virðist vera rétt. Leigubílsstjórinn sagði mér á leiðinni heim að það væri mikið um handrukkara og þannig pakk sem sækir þennan stað, og maður verður að velja vel þá staði sem maður sækir til að forðast þetta pakk.

Laugardagurinn leið með húsfundi í hádeginu þar sem gamli klikkaði kallinn í húsinu, Ragnar heitir hann, mætti ekki, þó svo hann hafi bæði verið boðaður eins og aðrir og líka með símskeyti. En maðurinn er bjáni og við því er ekkert að gera.

Sunnudagurinn leið lika með tveim fótlboltaleikjum í sjónvarpinu, og svo algeru þunglyndi yfir örlögum heimsins þegar við Freyja ætluðum að hafa létt sunnudags video gláp um kvöldið. Myndin sem fyrir valinu var er heimildamynd sem heitir The End of Suburbia. Hún er um endalok heimsins svo til, þegar olían er að klárast. Við getum víst ekkert gert og önnur eldsneyti eru vonlaus. Okkur leið báðum illa eftir að hafa horft á þetta. Þunglyndi, vonleysi og svört framtíðarsýn. Ég hefði betur valið aðra mynd til að horfa á. Myndin sem dregin er upp af nánustu framtíð er ansi svört. Olían minnkar, verð á henni hækkar mikið, fjármálamarkaðir hrynja og við endum í krónískri kreppu og verðum að rækta okkar mat sjálf útí garði. Svo taka apar líklega völdin og ég öskra "Damn you, damn you all to hell" þegar ég sé styttuna af Ingólfi Arnarssyni standa uppúr kartöfluökrunum á Lækjartorgi og nágreinni eftir um 40 ár. Væntalega klæði ég mig í vaðmálsbuxur og vaðmálsskyrtu sem kosta mig eina góða mjólkurkyr. Andskotinn hafi það. Hey...sniðugt, þegar ég var að finna linka á síðuna klikkaði ég á eina mynd á nellýs síðunni og fann stelpuna (þessi hægra megin) sem ætlaði að giftast Hauki...held ég alveg örugglega.. klikk hér.

Mera um Dennis

Internet Movie Database er flottur vefur með mikið af upplýsingum. Hér er aðeins um hann;

Sometimes Credited As:

'Dangerous' Dennis Madalone

Dennis "Danger" Madalone

Dennis 'Danger' Madalone

Dennis Danger Madalone

Dennis Madilone

Dennis Madolone

Svo þetta: Attended South Plainfield High School in South Plainfield New Jersey and is remembered by his classmates as the 'class clown'

Ég verð að grafast meira fyrir um þennann mann....

Snorri "hættulegi" Kristjánsson

Nýr snillingur

Mér var bent á nýjan snilling.... Þessi náungi er með eitt flottast myndband sem ég hef séð lengi. Bréfið mitt óskiljanlega sem ég sendi til ameríkunnar sem ég talaði um fyrir nokkrum dögum, því var svarað og með svarinu fylgdi þessi linkur. Maður þessi heitir Dennis Mandalone og er snillingur. Þetta er tekið af heimasíðu sem ég fann sem talað er um hann. "Proving it's never too late in life for a career change, Dennis Madalone, renowned stuntman, coordinator and performer, follows his heart into a less risky profession leading with this touching tribute to the good ol' U.S.A. "America We Stand As One" is a one-track preview of Madalone's musical aspirations currently underway with producer/guitarist Bob Kulick. The theme, cheesy, breezy and passionate, calls for a people united, one belief, one way, one life, and our flag, long may it wave. This singer in this cheese was the stunt coordinator on Star Trek the Next Generation. From his bio madalone is also featured on the Star Trek Trading Cards, which in the trading card world is a high honor, and a valuable collectable. Before he graduated, he set a new school record clearing thriteen feet in pole vaulting on the South Plainfield High School track team.

This might surpass Seagal's album as the greatest thing ever."

Sem minnir mig á það.... ég á þessa plötu með STEVEN SEAGAL kvikmyndaslagsmálaleikara. Ég er búinn að eiga hana í meira en ár, en hef ekki lagt í að hlusta á hana ennþá, en miðað við þetta video frá Dennis...It cant be that bad. Plís kíkið á þetta og segið mér hvað ykkur finnst. Ég fylltist andagift og þjóðarstolti yfir því að þessi maðir væri ekki Íslendingur.

Hjálmar og fleira

Helgin far frábær að hluta til... :) Mikið fjör var á föstudaginn var þegar ég og Freyja fórum til Hauks og Zaveh og drukkum bjór, bjór, bjór, rauðvín og smá bjór með. Förum í svona tónlistar getraun sem við Haukur sáum um. Svo var farið á Grandrokk þar sem við fengum miða á Hjálma sem héldur frábært show. Mikið drukkið og allir í góðum reggí fíling...jammin maaan...Við hittum við hans Hauks, Gauta og svo lika þjálfarann hennar Freyju. Og ég fór á klósettið að pissa bjórnum mínum og þar var enginn annar en Jakob Magnússon Stuðmaður. Kjaftaði ég smá við hann. Reyndar bara þegar við vorum búnir að pissa og komnir út af klósettinu....Eftir Hjálma fórum við á 22 þar sem við gerðum tilraun til að dansa eitthvað, en kræst oll mætí...DJ-inn var svo lélegur... hann var með tónlstina allt of hátt stillta, og það er talsvert að segja það á skemmti stað með dansgólfi, svo var hann að stoppa lög og hækka í þeim aftur í tíma og ótíma. Svo var hann í svartri skyrtu með hvítt lakkrísbindi dansandi með einhvern hjálm eða hatt á sér alveg eins og fáviti. Svo gat hann ekki skipt milli laga eins og allir geta....það koma bara surg og þögn og eitthvða rugl. Það var alger mood killer. Svo við Freyja kvöddum Hauk og Zaveh og fórum í bæinn að finna leigubíl, en við stoppuðum á pizza stað of fengum okkur eina slæs eða tver af böku, og kók með. enda ekki búin að borða í langan tíma frá klukkan 18-30 til 4 eftir miðnætti. Maður lifir ekki á bjór einum saman....eða hvað.

Laugardagurinn var erfiður, vöknuðum á hádegi, sváfum, horfðum á sjónvarpið, man ekki hvað einusinni....og vorum bara slytti heima. Ég var ekki svo þunnur (Freyja var verri :) en það var laugardagur og maður má alveg nota hann í ekkert einstaka sinnum. Svo um klukkan hálf sjö um kvöldið fórum við út í bíltúr (bara til að fara út) og fengum okkur lítinn ís í ísbúðinni Hjarðarhaga, og fórum svo og horfðum á sjóinn í Skerjafirðinum. Svaka rómó. Skítkallt úti, þunn með ís. Svo fórum við heim og horfðum á The Phanton í sjónvarpinu. Svakalega slæm mynd. Ég veit ekki hvort hún átti að vera svona retró lúkk á henni eða ekki. En þetta var eins og að horfa á gamlan Batman þátt með Adam West. Bardagasenur voru hlægilegar og allt eins leikhúslegt og það gat orðið. Eina sem gladdi augað var hin svaka sexy Catherine Zeta-Jones í hlutverki vondu konunnar sem er svo góð eftir allt.

Sunnudagurinn...vöknuðum seint. Fórum og keyptum flottan bol handa Krisjáni frænda sem hún Hildur systir á. Og svo beint í ammælið hans. Þegar það var búið var leikur...Real Madrid gegn Barcelona sem við horfðum á. Rosaleikur. Sigur fyrir fótboltann að fá svona leiki. Hasar, hraði, drama og 6 mörk. Real Madrid vann 4-2. Og enn eiga þeir séns á að vinna titilinn á Spáni. 3 manna sóknarlína, Owen, Raul og Ronaldo og svo Beckham og Zidane á köntunum...rosalegt lið.

Mánudagurinn...asshhhitt..man ekkert eftir honum. Hverjum er svo sem ekki sama um það.

Fór í gymmið í gær og þyngdi lóðin mín, þannig að núna þjáist ég af harðsperrum útum allt. Gissi og Maggi komu í heimsókn, og við ræddum undirheimana, biblíuna, trúmál, pólitík, Brúskinn (Bush fyrir þá sem ekki vita...) og sjúklingana hans Magga... sem vinnur á geðdeild. Alltaf nóg af sögum þar á bænum :) Horfðum á einn South Park þátt, þar sem Mr Garrison breytir sér í konu. Snilld, brútal húmor reyndar. Síðar um kvöldið kom Haukur og við Freyja og Haukur elduðum okkur samlokur með skinku og osti í grilli og horfðum á spennandi leik Chelsea gegn Bayern Munchen í Champions League. Bayern vann leikinn en Chelsea komst áfram því þeir unnu fyrri leikinn stórt. Svo las ég á netinu að allt hefði soðið uppúr í leik AC Milan og Inter Milano í hinum CL leiknum. Reyndar bæði Ítölsk lið. Blysum var hent inn á völlinn og all var vitlaust. Markmaður AC Milan fékk blys í öxlina, hefði getað stórskaðað hann, eða drepið hann jafnvel. Dómarinn flautaði leikinn af þegar 15 mín voru eftir. Við kíktum á þetta þegar þetta gerðist, og það var rosalegt að sjá þetta. Þetta er eitthvað sem á ekki að sjá í íþróttum. Freyja var í sjokki, hún bjóst ekki við að þetta væri svona slæmt. Næsti leikur er í kvöld þar sem Liverpool mætir Juventus. 20 árum eftir Heysel slysið fræga þegar veggur hrundi yfir ítalska stuðningsmenn Juventus og allt leystist upp í slagsmál og kringum 50 manns dóu. Ensk lið voru dæmd úr Evrópukeppninni í 6 eða 7 ár eftir þetta. Þessi leið mætast aftur núna í svipuðum stórleik. Í leik liðanna í Liverpool fyrir tveim vikum var reynt að sameina stuðningsmenn liðanna en margir ítölsku stuðningsmennirnir sýndu óheyrilegan dónaskap og fyrirlitningu. Réttu fingur upp og snéru sér við meðan þeir púuðu á tilraunir til að sætta alla og virða minningu þeirra sem dóu. Sáttarhönd Liverpool var útrétt en Juventus stuningsmennirnir bara gáfu skít í það. Þannig að það gæti oriðið hasar í kvöld. Bæði í leiknum og á pöllunum og fyrir utan völlinn. Liverpool stuðningsmenn voru beðnir að fara ekki á leikinn vegna hætti á slagsmálum og óeirðum.

ekki eins og það átti að vera...

Þetta byrjaði ekki vel, við sváfum illa yfir okkur. ég fór ekki í spinning og við vöknuðum um klukkan 8,40 eða svo. Ég bloggaði stutt í gær og skrifaði svo Ragnari frænda í ameríkunni bréf sem ég átti að vera búinn að gera fyrir löngu síðan. Svo rendi ég yfir bréfið áðan og sá að það var næstum óskiljanegt. Ég skrifaði setningar sem ég strokaði út og í flýti og syfju byrjaði ég á nýrri setningu eða hugsun á fáránlegum stað. Þetta skilst held ég af samhenginu :) Ég hef ekki skrifað svona illa lengi. Hann svarar mér kannski og sendi þýðingu á því sem ég var að reyna koma frá mér. :) Mest lítið að gerast, er að hlusta á Aerosmith plötuna Toys in the Attic sem er ein þeirra besta, blússkotin með nokkrum klassíkerum eins og Walk this Way og Sweet Emotion. Eg gróf þessa plötu upp eftir að hafa þjáðst yfir Be Cool myndinni þar sem Aerosmith kom mikið við sögu. Léleg og tilganslaus mynd eins og ég sagði í gær. Ég bind vonir mínar við Sin City sem ég er að ná í núna og verður komin í hús í dag. Sin City er byggt á myndasögu eða comic book eftir Frank Miller og það er snillingurinn Robert Rodriguez sem meðal annars gerði From Dusk til Dawn og Spy Kids??? Hann er náinn samstarfsmaður Quentin Tarantiono. Sin City er að fá frábæra dóma, og vonast ég til að sú mynd verði betri en Be Cool. Hún var líka talsverð vonbrigði þar sem myndin A Love Song For Bobby Long með Travolta var fín. Og ég var að vonast eftir kombakki frá Travoltanum, en því miður hefur ferill hans spíralað niður á við eins hann gerði uppúr 1982 eða svo. Og svo aftur eftir Pulp Fiction.

Tónleikar

Rólegur dagur... fór niður í atvinnumiðlun því þeir eru að bjóða mér námskeið í !Vefhönnun II! Dreamweaver. Skráði mig þangað inn. Fór svo og keypti mér lyklakyppu með Borg kubbi eða Borg Cube.. sjá mynd hér. Svo fórum við Freyja og versluðum og ég skrapp svo með bílinn í viðgerð. Læt bílinn frá mér á sunnudaginn kemur og þá verður heddið í honum lagið. Svo kom ég heim, við borðuðu Tortilla með grænmeti og sojakjöti, því ég borða ekki kjöt. Svo kíktum við á Be Cool með Travolta hér heima. Svaðalegt rusl. Ég skil ekki þessa mynd, tilgang hennar, né handrit, eða neitt. Elmore Leonard sem gerði bókina var einusinni cool. Núna er hann bara Hollywood corporate formulu drone.....Just like the rest of them. Núna sit ég og blogga... drekkandi rósate, sem er eins og dökkt blóð á litinn....gotta love it....maður fær vampíru fílinginn í sig. Ég talaði við Hauk og hann sagðist ætla að setja link inn á síðuna sína sem vísar á download vikunnar á síðunni minni. Núna er ég búinn að setja á hann pressu :) (hæ Haukur... ;)

Ég er að hlusta á Lee Hazelwood, ég er svo hrifinn af plötinni hans Cowboy in Sweden. Ég kemst bara ekki yfir þá staðreynd að enginn þekki þennann mann. Hann gerði svo mikið af flottum lögum. Og þessi plata er ein sú besta sem ég hef heyrt í laaaangan tíma. Svo er ég að hlusta á Hjálma plötuna sem er lika rosalega fín. Og ég hvet allta til að kíkja á síðuna mína....og skoða download vikunnar....alger möst.

Ég stefni að fara á tónleika með Hjálum á morgun föstudag. Kannski ekki tónleikar, maður verður að drekka sig fullann til að lifa af kvöld á Grandrokki. Reykur, hiti, hávaði, skáknördar og gott reggí....Respect mon. En núna að sofa.... spinning í fyrramálið.

Siðasti séns

Síðasti séns að dánlóda snilldarplötu Lee Hazelwoods og snilldarplötu Peter Tosh af heimasiðu minni.... það verður skipt út á morgun eða í kvöld.... Snorri

Um Huga.is

Þetta var athyglisverð umræða á huga um þessa grein, og rétt það sem Skúli kommentaði á í gær að menn gera sig seka um sömu eða verri hluti en þeir saka aðra um, eins og ég benti á í svari mínu. Eitt sem hefur ekki komið fram, þessi nýjaldarsinni sem talaði um gang náttúrunar svaraði engu og hjakkaðist á sama hlutnum. Ég sendi honum stutt prívat mail og bauð honum nokkur video sem sýna hvernig þetta er gert, það er cold reading. Ekki kaldur gustur eins og hann las...enda hafa andarnir líklega blindað hann sannleikanum og skemmt lesgrleraugun hans. Allavega hann afþakkaði fræðsluefni mitt sem sýnir þetta í raun svart á hvítu. Það útaf fyrir sig er ótrúlegt, en samt ekki, því fólk vill trúa eins og Fox Maulder í X-Files (I want to believe), og vill ekki heyra neitt sem gæti sannfært það um annað, eða brotið niður viðkvæma sjálfsmynd þeirra. Það er auðveldara að lifa í blekkingu en vita sannleikann. Er það ekki...? Svo var það hinn sem Haukur tók stutt fyrir á huga, sem var að tala mig sem feitan klassískan skápahomma. Ég tel ykkur vita betur...sumt stenst annað ekki :) Það er mjög sorglegt þegar menn nota homma eða útlendinga eða í raun hvða sem er og heimfæra í neikvæða merkingu. Dæmigerður íslendingu.... sem trúir því að við séum best, sterkust, fallegust, með flesta síma, og hamingjusömust. Þegar sannleikurinn er nær því að vera, menningarsnauð, ofdekruð, dyramottur sem láta alla vaða yfir sig, lokuð, rasistar og upp til hópa smáborgarar sem vita ekki lengar en nef þeirra nær...sem er eins og áður segir....auðveldara..... Hvað um það, nú ætla ég að fara út að veiða vampírur með geislaverðinu mínu, því Gandálfur lofaði mér að vera memm í dag....

Góðir dómar

Þessi grein mín var skrifuð á miklum hraða og ég vandaði mig ekki neitt svakalega við að romsa þessu út úr mér. Ég er að fá helling af skemmtilegum kommentum á huga.... :) Illa skrifandi hommi og fleira í þeim dúr :) og allir trúar nöttararnir komnir á kreik....tjekk it át.

útvarp saga

Þetta póstaði ég á huga.is líka...

Miðlar, Útvarp Saga og annar viðbjóður

<> “Ris og hnignun útvarps Sögu”. Eða ætti titillinn kannski að vera “Saga í frjálsu falli og stefnir í harða lendingu”. Allavega hefur virðing mín og hlustun farið úr því að vera sæmileg yfir í algert núll. Virðingin var kannski aldrei mikil, en ég hafði gaman af því að hlusta á þessa blessuðu útvarpsmenn og þá smámunasemi sem þeir létu yfir sig vaða frá fastkúnnum sínum (innhringendur sem fleistir eru klikkaðri en ég veit ekki hvað). Það var stundum fínt að hlusta á Hallgrím Thorsteins, því hann átti það til að hafa góða viðmælendur og virkar soldið skynsamur á köflum. En skemmtum min fólst aðallega að hlusta á öfgamanninn Ingva Hrafn og bullið sem hann lét útúr sér. Einnig hlustaði ég á Arnþrúði og hafði gaman af því að hneykslast á því sem hún virkilega lét útúr sér. Ég meina, hún var lögreglukona og talar eins og hún gerir. Þetta var frábært skemmti efni. Svo fór allt í rugl hjá þeim sem endaði með því að Talstöðin var sett þeim til höfuðs, og það litla sem ég hef heyrt þar virðast þeir vera að taka Sögu í óæðri endann á gæðaefni og “professionalisma” ef svo mætti orða.

Nokkur dæmi um starfshætti Sögu sem gefa til kynna að stöðin sé á algerri vonarvöl. Til að byrja með nefni ég dæmi um þegar ég heyrði pistil á stöðinni þar sem einn fordómafullur öfgamaður og fastakúnni (einn sem hringdi í all þættina og hafði skoðun og vissi betur en allir aðrir) fékk að blaðra í svokölluðu “meinhorni”. Það er þáttur þar sem hinir og þessi geta fengið að tjá sig. Þessi viðkomandi maður var að segja hversu mikið við ættum að predika trúarbrögð og þá sérstaklega kristni í grunnskólum. Mig langað til að eiga þennan pistil og hringi upp á Sögu og það er ekkert mál að brenna pistilinn á disk og má bara sækja hann eftir nokkra tíma. Þetta var ég ánægður með. En tæpum mánuði síðar er ég að flakka milli stöðva í bílnum mínum og kem inn í pistil á Sögu þar sem einhver pabbastrákurinn úr Sjálfstæðis- eða Framsóknarflokki var að halda því fram að það væri fulltrúum stjórnarandstöðunnar að kenna að hinn nýhætti fréttastjóri hefði verið ráðinn. Þessi rök, að minnihluti sé ábyrgur fyrir fáránlegri ákvörðun meirihluta skil ég ekki og þar sem ég hafði áhuga að heyra þennan pistil frá upphafi, hafði ég samband við útvarp Sögu aftur, og bað um pistilinn. Það var vel tekið í það og mér sagt að hringja á skrifstofutíma daginn eftir. Ég geri það og tala við sjálfa Arnþrúði Karlsdóttur sem segir þetta ekki vera neitt mál og segir koma þessu til tæknimannsins sem muni ganga frá þessu fyrir mig. Daginn eftir átti ég að sækja þetta. Ég hringi daginn eftir til að athuga hvort þetta sé tilbúið og næ sambandi við konu eina. Ég ber upp erindi mitt og hún segir að það muni kosta mig 1500 krónur að fá diskinn. Ég verð ansi hissa og spyr hvers vegna ég þurfi að borga svona mikið þegar ég fékk þetta ókeypis fyrir 3 vikum eða svo frá þeim. Eg get svo sem sætt mig við að koma með diski á móti eða borga jafnvel 500 kall fyrir vinnu tæknmanns (tekur sirka 3 mínútur að brenna svona disk), en að borga 1500 krónur fyrir þetta er alger klikkun. Þegar litið er á verð á nýjum diskum er þetta alger bilun. Ég spyr hvers vegna þetta sé svona núna, og svarar konan því að þetta sé alltaf svona. Ég segist hafa fengið þetta frítt áður, og þá spyr hún mig hvort ég sé frá fyrirtæki sem ég segi ekki vera. Heldur hún áfram og segir að þetta sé mikið dýrara ef ég væri frá fyrirtæki þannig að ég sé í raun heppinn að borga bara 1500 kr. Ég mótmæli enn og svarar hún að þau verði að lifa og þau séu ekki RÚV sem geti farið mörg hundruð milljónir fram úr áætlun. Ég segi við hana að ég muni hugsa málið með að borga 1500 kallinn, sem auðvitað ég ætlaði mér ekki að gera, enda fáránlegt. Fyrir utan það var þessi kona afar ósannfærandi í sínum málflutningi.

Mín skoðun á þessu er þessi: Kona þessi var að reyna ná sér í 1500 kall fyrir sjálfa sig eða snapa pening á alla mögulega vegu fyrir stöðina. Það minntist enginn á 1500 kr eða borgun þegar ég spurðist fyrir áður um þetta. Þetta var bara sjálfsagt. Til að rökstyðja mína skoðun að stöðin sé á algerri vonarvöl eru 4 styttri dæmi. Fyrst ber að nefna Jörund Guðmundsson. Flest sem hann tekur þátt í eins og Tívolí rekstur og fleira brask hefur oft verið ansi vafasamt, fyrir utan hvða maðurinn er leiðinlegur útvarpsmaður. Þátturinn hans “Fólk og fyrirtæki” er lúalegasta auglýsingataktík sem ég veit um. Þar sem fyrirtæki borga 50 þúsund krónur fyrir að mæta til hans og tala um eigið ágæti í 2 tíma. Kræst hvað þetta er örvæntingarfull tilraun til að fá peninga, á besta hlustunartíma.

Næsta dæmi er Sigga spá og tarotspilin. Þar mætir einhver kuklari sem þykist vera spákona og fleira andlegt, en er í mínum huga lúaleg og grimm manneskja sem níðist á veikgeðja fólki sem leitar svara við hverju sem er. Þessi manneskja getur ekki einusinni talað rétt mál, ekki bara málfræði heldur líka áherslur, ég hef aldrei heyrt manneskju tala hafn slæmt mál og hana. Fyrir utan það að fá fólk til að hringja inn og hún segir þeim hvað þau eiga að gera og hvað “andarnir” og “hinir látnu” og tarot spilin ráleggja fólki sem flest á um sárt að binda vegna ástvinamissis eða er á einhvern hátt undir í samfélaginu, andlega eða líkamlega veikt, þá þarf fólk að borga 200 krónur fyrir hverja mínútu sem það hringir inn til hennar. Kommon, á útvarpsstöð. Hvað á það að þýða að níðast á fólki sem á það síst skilið andlega og ræna það peningum á sama tíma, í beinni útsendingu. Er það ekki örvænting að útvarpsstöð láti fólk sem hringir inn borga fyrir það?

Þriðja dæmið er Hermundur Rósinkrantz eða hvernig sem það er skrifað. Hann þykist vera talnaspekingur og miðill. Ekki er hann síðri en hinn ræfillinn sem rukkar fólk (Sigga spá). Ég sem hélt að Þórhallur miðill væri lélegur “cold reader” eins og það kallast sem svona feik miðlar nota til að sannfæra fólk sem vill trúa. Heldur er hann ennþá verri “cold reader” og áskanir hans voru svo lélegar að ég næstum vorkenndi honum, en þá mundi ég eftir þvi að hann misnotar fólk og platar og prettir þá sem síst eiga það skilið, og þá ákvað ég að skrifa þessa grein. Svo biður bæði hann og þessi Sigga spá guð að blessa fólk og er alltaf að blanda guði inní þessar spiritista kukl kenningar sínar. Sem var síðast þegar ég vissi næstum túlkað sem guðlast. Kuklarar voru brenndir á báli af kirkjunni hér áður fyrr. En þetta pakk níðist á kristinni trú og öllu sem hún stendur fyrir á sama tíma og notfæra sér veikleika fólks. Allt í boði útvarps Sögu.

Fjórða dæmið er meira viðskiptalegs eðlis en hin, þó svo að þau hafi snúið að peningum að hluta til einnig. Auglýsingasala. Það miklvægast í rekstri svona fyrirtækja er ekki bara hlustendur, heldur auglýsendur. Þetta dæmi segir ansi mikið um viðhorf Sögu og starfsólks þess til þeirra sem sjá þeim fyrir peningum. Vinur minn á fyrirtæki sem er vel þekkt hér á landi og auglýsir talsvert. Hann fékk hringingu frá einhverri konu sem var greinilega komin yfir miðjan aldur og hún var að selja honum auglýsingar. Það fyrsta sem hún segir er að Saga hafi komið út með meiri hlustun í hádeginu heldur en bæði rás 1 og rás 2 til samans. Vinur minn segir það vera afar hæpið. Verður þá konan frekar fúl og fer að skammast í honum fyrir að auglýsa í þessum miðlum sem hann notar sem eru meðal annars ríkisútvarpið og fleiri miðlar. Vinur minn neitar að viðurkenna að Saga hafi meiri hlustun en hinar tvær stöðvarnar og endar samtalið á því að konan segir; “þú átt greinilega skítnóg að peningum” og skellti svo á hann. Niðurstaða þessa samtals er sú að þetta fyrirtæki mun aldrei versla við Sögu, og þessi saga er fljót að breiðast út og ansi margir vilja ekki neitt með svona viðskiptahætti hafa. Hvað gengur fólki til að skamma og rífa kjaft í þeim sem neita að trúa lygum og tilraunum til vörusvika. Ég kalla þetta vörusvik og lygar því þegar maður selur einhverjum eitthvað á röngum forsendum og með því að ljúga að sínum kúnnum þá er það ekkert annað.

<> Hvað finnst ykkur?

Meira næst

Ég er búinn að vera svo upptekinn um helgina... að ég veit ekki hvað. Þegar ég hef verið að fikta í blogger kerfinu er ennþá einhverjir böggar í því, það er ekki gaman. Ég sendi inn sögun af útvarpi sögu á morgun og kannski eitthvða fleira á morgun. En dagskráin er þessi. Gymmið klukkan 6,00 í fyrramálið og svo bókald húsfélagsins og kaffi (lots of kaffi) svo ætla ég að kæra Vinnumiðlunina prisippsins vegna....en nánar um það á morgun. later...

Gleymdi smá...

Það sem gerðist meira er að ég fór svo með Freyju og Hauki á kaffihús þar sem mikið var rætt og spjallað. Við Haukur ætlum að plotta eitthvað prakkarastik, það verður að koma í ljós hvort af því verði. Einni sagði Haukur að hann væri til í að halda menningarklúbbnum áfram því Skúlinn er ekki á landinu. Nú er bara finna dag og topic....Svo þarf ég að koma með tvær reynslusögur. Önnur er um þessa blessuðu vinnumiðlun og hin er um útvarp sögu. Reyndar um blues klúbbinn lika. Kíkið á www. blues.is og skoðið síðuna. En þær koma bráðum....working on it....

kominn aftur...

Jæja...byrjaður að blogga aftur eftir smá pásu. Ég hef reyndar verið í bölvuðum vandræðum með þetta blogger dæmi. Er búinn að reyna í marga daga að gera eitthvða og blogger síðan er í einhverju rugli. Það rétt hafðist að breyta um lit því það fraus alltaf og eitthvað vesen á þessu. Ég hef verið að hugsa um að prufa að blogga á einhverjum af þessum íslensku blogg síðum. Er að skoða það. Annyhoo...ég verð að breyta útlitinu aðeins meira þannig að munið að gera reload. Annars hefur lítið gerst, ég var á þessu námskeiði sem talað er um í síðasta bloggi og lærði ég nokkra nýja hluti þar. Meðal annars stal ég nýrri heimasíðu fyrir mig :) og hún er hér: http://www.centrum.is /~vorlon og þar er ýmislegt.. endilega kíkið þangað... sérstaklega á download vikunnar. Það sem hefur drifið á mína daga undafarið fyrir utan þetta venjulega....Fór með Gunnari Kolaportssyni og Freyju á blueshátið þar sem við sáum KK og Grinders bandið sem hann spilaði með þegar hann flutti hingað heim árið 1989 eða svo. Tónlist sem er í stíl við fyrstu plötuna hans. Lucky one. En vinsamlega ekki versla þessa plötu frá Skífunni, því Skífan er handbendi hins illa.

Fékk námsskeiðið.

Það var ekki vinnumiðluninni að þakka... heldur fór ég niðreftir þar sem námskeiðið var haldið og beið, þegar það varð ljóst að einn myndi ekki mæta bað ég um að fá stæðið hans og það gekk eftir. Menn sem skrá sig á svona námskeið eiga að mæta. Ef ekki, þá til helvítis með þá bara, og hananú. Helgin var fín, við Freyja heimsóttum Sveinbjörn og Þórunni á laugardaginn um horfðum á myndina Constantine með Keanu Reeves. Þetta var svöl mynd.. Flott myndataka sem gerði hana mjög skemmtilega og bara góður hasar. Blanda af Matrix og Exorsist. Svo vorum við bara að kjafta og þannig til að verða tvö. Fyrr um daginn förum við í gymmið og púluðum þessi ósköp. Ég er svo stoltur af Freyjunni minni því hún er að lyfta grimmt þessa dagana, og stendur sig vel. Mittið er að minnka en handleggsvöðvarnir hennar að stækka. Hún fer að taka mig í sjómann bráðum, og vinna.

Sunnudagurinn var rólegur...svo rólegur að ég man bara ekki hvað ég gerði. Við Freyju fórum allavera út á Bása að skjóta kúlum....aðeins að hressa upp á sveifluna. Margt gott sást þar, gamlir taktar, en mikið ryð í gangi... maður verðu að slípa þetta til með þvi að spila meira. Svo vorum við að taka til um kvöldið og þannig.

Mánudagurinn var námskeið hjá mér við förum í grunninn á Photoshop og það er alveg rosalega gagnlegt að ná réttu valdi á þessu forriti. Ég ætla að kenna Freyju þetta líka... ef hún vill læra það :) Um kvöldið kom Skúlinn í mat hjá okkur. Við elduðum Keilu, sem er fiskur sem ég fékk úti í fiskbúð, og er einskonar blanda af Skötusel og Þorski á bragðið, ekkert smá góður. Hann var í svona kryddblöndu, einskonar marineríngu. Geggjað gott. Svo var bara salat sem innihélt, Klettasalat, tómata, gúrkur og papriku. Svo voru brún hrísgrjón með því. Svo var setið inni í eldhúsi og kjaftað. Eftir það fórum við inn í stofu og fengum okkur expresso kaffi og töluðum meira uppvið kaffihúsaborðið. Við vorum ekki alltaf sammála, ég var að hluta til ósammála Skúla og Freyju í umræðum um trúmál í skólum.

Ég heyrði pistil eftir einn mann sem heitir Jón Valur Jensson og er guðfræðingur að mennt. Hann er að upplifa sínar 15 mínútur núna. Hann byrjaði sem svona kverúlant á Útvarpi Sögu, en snérist svo upp í pest. Hann hringdi í alla þættina hjá öllum þáttarstjórnendum og með skoðun á öllu. Svo núna er hann með pistil eða pistla í Sögu, og svo var hann í Silfri Egils um helgina. Pistillinn verður settur hingað sem linkur á eftir. Ég fór niður á Sögu og fékk pistilinn á disk. Svo var annar pistill sem ég fékk líka, og það var lyga-áróðurs pistill gamla kratans og núverandi bæjarstjóra Reykjanesbæjar (Keflavík). Ég rétt missti af byrjuninni á þættinum og kom inn í umræðu hans um húnsæðismálin og hvað er dýrt að kaupa íbúðir. Hann sagði frá bréfi frá fólki, par með tvö börn, eitt á leikskóla og hitt í grunnskóla (hljómar eins og pakki frá Flugleiðum, miðað við tvo fullorðna og tvö börn á aldrinum 2-11 ára), sem var að kaupa sér íbúð og var að velta því fyrir sér í hvaða hverfi það ætti að kaupa í, miðað við samgöngur, skóla, aðþreyingu og svo allskonar opinber gjöld og fleira. Þegar hér var komið vissi ég ekki hver var að tala, og sv0 runnu á mig tvær grímur þegar hann segir að þetta par sem hafði skrifað honum þetta bréf og reiknað út ótrúlegustu hluti, hluti sem mér hefði aldrei dottið í hug að athuga, sagði að þegar það hafði leitað á öllu höfuðborgarsvæðinu, Reykjavík, Kópavogi og Hafnarfirði, hafi það fundið stað "rétt utan við borgina" stað sem hefði tekið breytingum síðastliðin ár og þar hefur verið uppbygging og allt. Ég gekk útfrá því að þetta væri Mosfellsbær. Nei ekki var Adam lengi í paradís (enda fór hann þaðan og gifti sig...sem er önnur saga....) heldur var þetta Reykjanesbær. Vá þetta var sjokk maður. Svo þegar hann var búinn að útlista kosti bæjarins (hann minntist ekki á morð, fyllerí og atvinnuleysi eins og þekkist best á suðurnesjum) talaði hann stuttlega um kosti þess að hafa trúaráróður í skólum. Og endaði á því að blessa fólk í Jesú nafni. Þá féllust mér hendur...ég hringdi niður á Sögu og fékk þetta skrifað á disk sem ég gleymdi útí bíl. Endilega kíkið við hér á eftir eða á morgun og það verðu linkur á þetta þar sem þið getið dl þessum pistlum tveim. Alger möst að heyra þetta. Allavega...ég þarf að læra heima. Hvernig á að gera einhverja hluti í photosphop og þannig.

Svo eitt enn, ég keypti mér nýja Baskahúfu, og var í dag með húfuna og í leðurjakka og með sólgleraugu, enda mikil sól úti. Svo sá ég mig í spegli og fékk bara sjokk....Töffaraskapurinn var slíkur.... ef ég nenni pósta ég kannski mynd af mér í múnderingunni á netið :)

Helvítis vinnumiðlun

Ég trúi ekki þessari helvítis vinnumiðlun...andskotans aumingjar þar. Sko, ég fór í gær og stimplaði mig og fékk meldingu um að tala við einhverja konu. Sem nota bene var ekki við, og ég var að flýta mér rosalega í atvinnuviðtal í Hafnarfirðinum. Ok...ég fer í viðtalið og núna í hádeginu hringi ég og bið um að tala við þessa konu. Hún ekki við en hringir svo í mig 2 tímum síðar. Þegar ég fór á þennan fund um daginn, sem hægt er að lesa um hér í nokkrum færslum á undan þessari. Lagði ég mikla áherslu að komast á þetta namsskeið, því ég hafði verið svikinn um sambærilegt námskeið áður útaf einhverju bulli.... Þeir refsa fólki fyrir að vera of seint að skrá sig og þannig rugl. En hún segir við mig að þetta hafi verið útaf námsskeiði í Vefsmíðum og photoshop. En það hafi fyllst í hádeginu. Af hverju voru þeir að bjóða mér að fara á það og 6 tímum síðar er það fullbókað. Þeir gátu ekki beðið í nokkra tíma. FÁVITAR. Ég er hundfúll og meira en það....nú tek ég reiði mína út á lyklaborðinu....as´dlfkajsopdufhapsiefnp msodghpqejfqpiwuerpqieaAAARERHGaskæjbaskjlæfasfasdf a sdfakjhdfaælsfd +

Golf í kvöld....

Þá er komið að því...Snorri Loopman, Haukur dauðaspaði og Skúli Cusumus ásamt hugsanlega fleirum eru að fara í g0lf í kvöld... út á skotsvæði. Freyja kemur líklega með. Vonandi Silli og Sveinbjörn lika. Helgin var fín, vorum í leti fyrir norðan hjá foreldrum Freyju. Það var bara slökun og fínt. Svo heimsóttum við líka Járnbrá og Pétur. Svo á leiðinni heim á sunnudagskvöldið vorum við komin út á flugvöll og þá var flugið fellt niður vegna veðurs. Á Akureyri var sumarblíða og 8-11 stiga hiti. En í Reykjavik var svartaþoka....við keyrðum bara aftur í sveitina og sváfum þar og fengum flug um morguninn, og mátti ekki miklu muna að það hefði ekki farið í loftið þvi þokan kom um morguninn og var næstu tvo daga í viðbót með tilheyrandi röskunum á flugi. Svo liðu næstu dagar með hálfgerðum harmkvælum... var með hausverk í tvo daga, núna er ég bara stífur í hnakkanum vegna vöðvabólgu. En ég bara díla við það með leikfimi, kaffi og verkjatöflum. :) klikkar aldrei... Annars kom Skúlinn í heimsókn um daginn, sem var í frásögur færandi, enda maðurinn sá ekki oft hér á landi. Svo er Haukurinn fluttur heim frá Danaveldi. Kærastan hans Hauks, Zaveh, fékk samning sem kokkur á Hótel Centrum. Þessu flotta nýja sem opnar bráðum í Austurstrætinu. Svo er ég bara að leita mér að vinnu núna og að hlusta á tónlist meðan ég sendi E-mail og hringi og undirbý það. Meira síðar...

Lúkktest

Ég var að aðeins að fikta við útlitið... hvað finnst ykkur...

Þetta gengur ekki...

Þetta gengur ekki lengur. Allavega ekki í dag...ég gat ekki svarað annars ágætu inpútti frá Skúlnum í gær því blogger.com var með eitthvað vesen. Því gat ég ekki bloggað neitt. So...whatever.... Nú er ég þó að blogga smá.... Það hefur ekki mikið gerst. Hugi.is vill greinilega ekki birta greinina mína um Breiðholtsdrenginn. Þó svo að það sem ég sagði í henni hafi komið í sjónvarpinu í gær. Farið á Rúv.is og skoðið kastljós þáttinn frá því í gær 16 feb. Þar er Jónas Kristjánsson fyrrum ritstjóri DV að tala um hverngi blöðin hegða sér, svo til orðrétt uppúr blogginu mínu, þar sem ég tala um að greina séu ekki nægileg vel unnar og Skúlinn kallar svo réttilega copy/paste blaðamennsku. Jónas er með frábæra síðu þar sem hann tæklar málin af alkunnri snilld og birtir pistla sína úr DV sem eru frábærir, sérstaklega eftir að hann hætti sem ritstjóri og fór að skrifa það sem hann vill segja. Annars var þessi kastljós þáttur fínn, kíkið á hann líka. Nenni ekki að setja link þar sem þetta er streaming. Go to Rúv.is og þetta er þarna.

Annars eru ég og Gunnar vonandi á leið í heimsókn til einhvers læknis sem Gunnar hitti á Eric Clapton póstlistanum á netinu til að sjá safnið hans af Clapton efni. Vonandi gaman.

Svo er ég á leið norður á morgun föstudag og kem aftur á sunnudaginn. Núna er ég að hlusta á My Death með Bowie...inn á milli þess semBob Marley, Keane, REM og Edit Piaf sjá um að skemmta mér.

Blöðin

Ég var ekki viss um hvort ég nennti að vara væla eitthvða útaf blöðunum mikið. Það er aðallega tvennt sem mér leiðist í sambandi við þau. Til að hafa þetta bara stutt, því ég veit að þið sem lesið skiljið þetta alveg og ég nenni einfaldlega ekki að gera einhverja ritgerð um þetta....síðasta ritgerð fór í klessu hjá mér. Sko fyrsta atriðið er þetta: Frétta val hér á landi er mjög undarlegt. Dæmi um það eru fréttir sem eru í heimspressunni og skandinavísku pressunni en ekki er minnst á hér. Eins og fréttin sem pabbi sagði mér frá, stórmerkilegt og vel þessu virði að hugsa um, og það er um ilmvötn. Fólk er að úða og bera á sig einhver stórhættuleg krabbameinsvaldandi efni og þetta kemur í skandinavísku pressunni, en hér er ekki minnst einu einasta orði á. Svo var annað úr því sama blaði held ég, og það var um danska banskastjóra sem urðu að segja af sér vegna "inside trading" skandals, sem nota bene er líklega frekar algengt hér á landi eins og sést best á eingarstöðu, kunningjatengslum og samþjöppun á fyrirtækjamarkaði hér á landi. En það þykir víst ekki frétt hér...líklega eru menn svo vanir því hér á skerinu. Það er, fréttir sem ekki koma hér eru oft á tíðum mikilvægar og merkilegri en það rusl sem oft kemur í staðinn. Svo hitt málið, það er úrvinnsla þess efnis sem hér birtist. Oftast eru blöð og sjónvarpsþættir þannig hér að spyrjardi leyfir þeim sem hann ræðir við að ráða samtalinu, og segja alla vitleysuna sem hann vill segja í stað þess að svara spurningum beint. Svo daginn eftir kemur "kannski" svargrein eða grein með öðru sjónarhorni. Það sem vantar hér er að vinna úr greinum og gera umræður MIKIÐ BETRI. Eins og tíðkast erlendis allavega, þá fá menn fólk í viðtöl í blöðum, eða skrifa greinar um það eða þeirra málefni og málstað. Svo fara blaðamenn á stúfana og tala við aðra sem hafa aðra skoðun eða aðrar lausnir á málum. Þetta er svo skrifað í gerin þar sem bæði sjónarhorn koma fram og svo leggur blaðamaður út af þessum málum. Annaðhvort með eða móti eða bara veltir upp möguleikum í sambandi við viðkomandi málefni. hér hafa menn, pólitíkusar og áhrifamenn fyrirtækja svo til frítt útspil í fjölmiðlum landsins til að koma sínum málum, skoðunum, og áróðri, GAGNRÝNISLAUST inn á fólk. Og eins og menn vita snýst pólitík um að bullshitta og bulla sig áfram og svara engu. Það er svona næstum því skilgreining á orðinu pólitík. Ef einhver er með betri skilgreiningu, plís setið það í kommentið. Svo er það náttúrulega eitt enn sem vert er að minnast á.... það er fréttin sem ég minnist á í gær, um Eið Smára fótboltamann. Núna í Dagblaðinu í dag er grein (sjá forsíðuna) þar sem vinir og kunningjar Eiðs segja þetta vera mannlegan harmleik og þeir standi við bakið á honum. Þúsundir íslendinga lenda í þessu. Kommon.. lenda í þessu, er það einhver afsökun fyrir að keyra fullur? "Ég datt óvart í það og braut óvart allar reglur félgsins míns, og svo óvart lenti ég í því að verða keyra fullur heim." Púff maður. Svo það sem er verst við þetta er sú staðreynd að formaður KSÍ segir þetta ekki vera neitt stórmál. Íþróttamaður ársins má keyra fullur....af hverju ekki við hinir, ef það er ekkert stórmál. Allur fréttaflutningur hér gengur út á að vernda Eið Smára og gera lítið úr þessum "harmleik". ....og svo ps....ég sendi greinina sem ég gerði síðast um Breiðholtsdrenginn í Írak á www.hugi.is og hún er ekki ennþá komin inn, líklega er hún ekki "politically correct". Ég er að pæla í því að laga þetta blogg aðeins til og senda á huga, ef ég nenni þvi.

Eiður Guðjohnsen fullur aftur....

Það á ekki af þessum manni að ganga.... Eiður Smári Guðjohnsen tekinn fullur að keyra í London. Sjá frétt hér. Þetta er ekki í fyrsta sinn sem svona skandall gerist. Einusinni var hann ásamt 3 öðrum að djamma í London þegar Osama Bin Laden gerði sína frægu árás á World Trade Center og hann og vinir hans gerðu bara grín að Ameríkönum sem vitanlega voru í sjokki og voru með almenn dólgslæti og á börum borgarinnar. Svo var hann lika að viðurkenna spilafíkn sína. Hann er með rosaleg laun (um 50 þús pund á viku) og eyðir vel af því í fjárhættuspil. Svo að fyrirliðinn okkkar er ekki fyrirmynd okkar. Helvítís ræfill.... og svo spilar hann fyrir Chelsea þar að auki. Menn með svona laun og í svona stöðu eiga ekki að gera svona, eða láta ná sér fyrir svona asnaskap. Og ég held sveimér þá að Eiður Smári sé að verða sá alræmdasti rugludallur utan vallar á Englandi, og þá er nú mikið sagt. Hann er samt góður í fötbolta....

Smá um fréttir og stríð.

Ég var að lesa Fréttablaðið eða Dagblaðið og sá þar frétt sem hefur verið reyndar í fleiri blöðum og fjölmiðlum. "Breiðholtsdrengur særist í Írak". Einhver strákur sem á Amerískan pabba, en bjó hér til 21 árs aldurs og flutti þá út til Bandaríkjanna, giftist og gekk í herinn, hafi særst í sprengingu. Hann missti sjón á öðru auga og fékk sprengjubrot undir hnéskelina sem skar sundur taugar þar. Mikill uppblástur fjölmiðla af þessu máli er að mínu mati kjánalegur. Þessi strákur var víst líka í K0sovo og í Bosníu á vegum hersins. Fyrirsögn í blaðinu var eitthvða á þessa leið. "Dauðhrædd mamma og systir vilja fá hann heim". Þetta er það sem mér finnst undarlegt...Hann fer að fúsum og frjálsum vilja í herinn, hann gerir eins og forfeður okkar, drepur mann og annann. Svo sæirst hann eftir einhver 5 ár í hernum og allt verður vitlaust. Þessi maður gekk sjálfviljugur í herinn, og í hernum berjast menn og þeir drepa, örkumla og drepast og örkumlast þeir sjálfir. Fyrir utan andlegan skaða sem þeir valda fórnarlömbum sínum og þeirra fjölskyldum ásamt sínum eigin fjölskyldum að ógleymdum þeim sjálfum. Hvað eru blöðin að velta sér uppúr þessu. Maðurinn velur þetta sjálfur. Það þýðir ekki að fara til Írak og drepa meira en 100.000 saklausa borgara og væla svo þegar maður lendir í einhverju sjálfur. Hversu marga hefur þessi saklausi Breiðholtsdrengur drepið eða örkumlað? Og það í nafni frelsis, lýðræðis og meira að segja í okkar nafni. Mér finnst að fjölmiðlar ættu að skammast sín fyrir að halda þessu á lofti. Þumalputtaregla; Menn drepa og drepast í hernum. Annað sem hefur angað mig mikið er reyndar hluti af þessu og það er um blöin og fjömiðla sjálfa... og skrifa ég um það síðar í dag eða á morgun.

Hugvekja

Brenndur bloggari forðast bloggið. Þetta er sálfræðilega erfitt blogg núna... eftir þessa lífsreynslu mína að skrifa mikið og það klikkar allt.. þá er maður bara hræddur við að blogga aftur. En eina leiðin til að losna við þessa áunnu fóbíu er að að blogga aftur... Eins og hinn aldni vísi maður sagði.... "Maður bloggar ekki eftirá." Hmmmm ekki passar það, því blogg er allt gert eftirá. Annyoooo who cares.... Ekki mikið að frétta af mér. Við Freyja erum búin að liggja í leti alla helgina og glápa á video, taka til og svo kom mamma og pabbi og Snæfríður frækna (6 ára) í heimsókn í dag. Þá er það upptalið held ég. Góðar fréttir.. Manchester United vann Manchester City 2-0 í dag og Real Madrid vann Osasuna 1-2 í dag líka. Annars eru smá hræringar á útvarpsmarkaðnum því Útvarp Saga er að fá samkeppni frá Norðurljósum eða "365 miðlar" eins og það heitir í dag. Ég hef reynt að hluta á báðar stöðvar eitthvað og hef komist að því, mér sjálfum til mikillar furðu að Útvarp Saga hefur vinninginn eins og staðan er, miðað við það sem ég hef heyrt. Þessi nýja talmálsstöð er bara ekki að gera sig. Ég átti von á miklu þegar Illugi Jökulsson væri við stjórnvölinn og átti von á óvægri gagnrýni og skemmtilegum umræðu. Ó nei...Bara bjáninn hann Ingvi Hrafn að hrauna yfir allt og alla sem ekki elska Davíð Oddsson út að lífinu. Ég meina Ingvi Hrafn kallaði Hrafn Gunnlaugsson snilling....og sagði að mynd han um Opinberun Hannesar vera eina bestu mynd sem hann hafði séð ever.... Svo er þetta ljóðalestur frá Stúdentaleikhúsinu og einhver hámenning sem lætur Þorstein J. Vilhjálmsson líta út eins og menningaróvita. Konan sem var með þáttinn Spegillinn á rás 2 um daginn er með einhvern fáránlegan þátt sem væri betur lagðru niður. Eitthvert ómeinningar hámenningar kjarftæði. Og ég batt vonir við að þetta væri góður þáttur hjá henni þar sem Spegillinn var ávíttur af útvarpsstjóra (sem er fyrrverandi borgarstjóri bláu handarinnar) fyrir að vera með "vinstri slagsíðu" eins og það var orðað. Þá hefur kellingavælið í henni Arnþrúði bjána á Sögu meira "impact" heldur en vælið á þessari nýju stöð. En ég verð samtað bíða og sjá, þetta er bara fyrsti dómur :) Ég vona að þetta lagist.... Í annað... Mig hlakkar til að fá nýjan töluvleik sem bráðum kemur á markað hér á landi. Reyndar er hann kominn út allstaðar nema hér á landi. Bæði BT og Skífan vissu ekki hvða leikur þetta var eða hvenær hann kæmi. Mín mistök voru þau að panta hann ekki á Amazon. Knights of the Old Republic II. Framhaldið af leik ársins 2003. Dööhh... Ha? Hvaða leikur er það....ég kemst ekki yfir hvað þetta fólk í þessum verslunum, sem á að heita sérfræðingar, er óheyrilega vitlaust og illa að sér. Og ég fæ ekki vinnu í svona verslun þó svo ég taki þetta lið í nefið óæfður í þekkingu á tónlist, myndum og jú meira að segja tölvuleikjum. Þó svo ég spili þá svo til aldrei. Nema þennan eina leik. Ég hangi atvinnulaus meðan fæðingarhálfvitar sem ekkert vita fá borgað fyrir að vita ekkert og gera enn minna. Kræst....hvað maður verður að þjást fyrir aumingjaskap annarra. Ég ver víst að viðurkenna að ég veit af þessum möguleika, eða skulum við kalla það steðreynd, að nokkrir einstaklingar eins og ÉG og fleiri sem þetta lesa (þið vitið hverjir þið eruð) erum það sem kallast meðvituð um heimskuna og ruglið sem viðgengst í kringum okkur. Á öllum sviðum. Og fyrir það verðum við að þjást með heimsku heimsins á herðunum. Rétt eins og Ágústínus kirkjufaðir grét yfir örlögum heimsins vegna guðleysis og guðhræðslu, þá græt ég yfir heimsku, fáfræði, og bulli samtíðarinnar. Vona innst inni, þegar ég ligg grátandi fyrir utan eina af fataverslunum Baugs á Laugarveginu, að miskunsami samverjinn einfaldlega gangi framhjá mér og láti mig vera, því ef hann myndi hjálpa mér þegar fólkið sem gengi framhjá kveldi mig með heimsku sinni, myndi það stoppa og berja ekki bara mig heldur hann líka. Hvar værum við þá ef miskunsami samverjinn lægi í blóði sínu við í ræsi á Laugarveginum. Er ekki betra að þjást einn þar og vita að þessi góði miskunsami samverji sé þarna einhversstaðar úti og bíði eftir að hans tími komi senn þegar ský þokukenndra hugsana, fáfræði og bánaskapar létti af landanum og í raun heiminum??? Hvað finnst ykkur lesendur góðir. Hér enda ég sunnudagshugvekju mína þessa vikina. Og munið að heimska er að gera sama hlutinn aftur og aftur og vonast eftir nýjum niðurstöðum í hvert sinn. Og vitna þar í mann sem bar heiminn á herðum sínum. Albert Einstein.

Hvað gerðist í gær?

Það er góð helvítis spurning... Andskotans blogger system... ég var búinn að skrifa heila fokking ritgerð... og geri publish... kemur server error og allt þurkast út.... andskotans helvítis fokk, fokkittí fokk fokk fokk... Stytt útgáfa, sagði frá fundinum í gær sem var undarlegur því það var kona sem hegðaði sér eins og þroskaheft sem talaði við mig og ég át subway með Gunnari. Hitt Orm í Task. Andskotans blogg helvíti..... Ég hata alla núna.... Pþrrr.

Blogga á morgun.....

Nú er ég svo syfjaður að ég get ekki bloggað mikið, segi frá ævintýrum mínum á morgun . góða nótt.... zzzzzzzzz

Audio blogg.

Nú hef ég ákveðið að fara að gera tilraunir með svokallað audio blogg, þar sem ég blaðra í míkrafón og segi skoðanir mínar á hinu og þessu, eða bara það sem mér dettur í hug. Hef jafvel smá tónlist með eða eitthvða. Fæ menn til að senda audio svör til baka....Endilega komið með hugmyndir og setjið í kommentin. Loopman.....in stereo.

Prentaramál leyst

Jæja... ég keypti prentara eftir að hafa ráðlagt mig við ansi marga....Mjööög marga...og endaði á því að fá mér Canon Pixma ip3000. Hér eru smá upplýsingar um þennan prentara. Megin ástæðurnar fyrir því að þessi varð fyrir valinu eru eftirfarandi. Þessi prentari er að fá ágætisdóma á netinu og í tölvublöðum. Betri dóma en týpan fyrir ofan hann Canaon Pixma ip4000 týpan. Sem kom mér á óvart reyndar, og meira að segja þeim sem gerðu testin líka. Ódýrari prentarar frá Canon eru flestur með 2 prenthylkjum og falla því í sama jarðveg og HP (Hewlett Packard) sem eru með tvö blekhylki. Eitt svart og eitt lita sem inniheldur 3 liti. Þessi er með 4 hylki, eitt svart eitt gult, rautt og ljósblátt, sem eru þessir grunnlitir. Hvert hylki kostar í kringum 1000 kr eða minni. Í HP kostar hylkin frá 2500 kr (svart) upp í 3900 kr (lita). Ef litahlylki í HP eða ódýran Canon klárar einn lit, verður að henda öllu hylkinu og kaup nýtt. En með svona 4 kerfa systemi er nóg að skipta út einum og einum lit þegar þörf er á. Epson prentarar eru bestir þegar kemur að ljósmyndaprentun, en kommon, hvers mikið er ég að fara prenta út hágæða ljósmyndir heima, ég læt bara framkalla og stækka myndirnar í pottþéttum gæðum á ljósmyndastofu. En með mínum prentara get ég get nokkuð góðar myndir þrátt fyrir allt. Epson eru með 4 hylkja system en svo þegar maður eru kominn í svipaðan verðflokk og minn var (16,000 kr.) eru þeir með 6 eða 8 blekhylki. Og hver þeirra kostar um 2000 kall. Þannig að Canon er einfaldlega ódýrastur í rekstri svo um munar, og Freyju langaði ekki í crappy prentara eins og við áttum fyrir nokkrum árum. Gott stuff í eitt sinn.......... Eitt vandamál leyst. Ég skrapp með Gissa Gunnars í hádegismat á Pizza 67 og fékk í magann af djönkinu þar. Helvítis andskoti... fer aldrei þangað aftur. Svo fórum við á Cafe Paris, og þar fékk ég gott kaffi aldrei þessu vant, það hefur bara ekki gerst áður að ég fengi gott kaffi þar. Þar sem Gissi reykir sátum við í reykplássinu og ég anga allur af reyk :( Í kvöld fer ég og Freyja í Saltkjötsveislu hjá mömmu og pabba. Ég borða ekki saltkjötið en Freyju langar í það. En mestu vonbriðgði lífst míns allavega þessa dagana er að ég er búinn að týna baskahúfunni minni og þessvegna er ég ekki eins gáfulegur og venjulega. Ég finn hana bara ekki. Skil þetta ekki. Ef hún finnst ekki eftir dauðaleit í kvöld og á morgun, þá kaupi ég nýja. Þegar maður er kominn með nýtt identity og það svo bara týnist....það er soldið skrítin tilfinning. Á morgun er ég að fara á fund niður á atvinnumiðlun þar sem ég ætla að ræða við yfirmenn (tvær konur sem heita Hugrún og Hrafnhildur) þar um að halda hugsanlega stutt námskeið eða fund með fólki sem á við atvinnuleysis þunglyndi að stríða eins og ég átti við að glíma í fyrra eða er í áhættuhóp. Reynslunni ríkari um hvernig má snúa slíkri þróun við og löngun til að bæta verulega slæmt kerfi sem dregur úr fólki mátt og eykur vanlíðan vegna þessa eru það sem rekur mig til að gera tilraun til að breyta einhverju og virkilega hjálpa fólki. Einnig ætla ég að tala við þær um allt ferlið sem sem heitir atvinnuleysi. Það er svo niðurlægjandi að að fara þangað til að stimpla sig reglulega. Allt sem því fylgir er eitthvða sem þarf að breyta. Ég lifi í (hugsanlega barnalegri von) þeirri von um að það sé virkilega hægt að laga þetta talsvert mikið. Svo er bara spurning hvort kerfið sé tilbúið undir mig og mínar hugmyndir. Ég á svo sem ekki von á því, en það þarf ekki nema einn til að breyta heiminum. Því get ég ekki breytt og bætt líf fólks örlítið?

Leoncie rúlar...

Leoncie er svöööl. ég sá hana í Elko í gær. Við Freyja fórum að skoða prentara sem okkur vantar og þegar við erum að ganga inn sáum við Leoncie og manninn henner. Það er ekki í frásögur færandi nema ef mjög augljós misnotkun á hárkollum væri ekki til staðar. Leoncie er með massífar krullur, sem tækju nokkra tíma að laga til á hverjum degi. Við sáum þau um klukkan tvö, sem útilokar ekki að hún hafi vaknað snemma og byrjað að rúlla sig... En líklegra er þó hárkollan, sérstaklega þegar ég sá myndir af henni á heimasíðu frá Ljósnanótt í Keflavík eða Reykjanesbæ eins og það heitir núna, þegar hárkollan datt af henni þegar hún datt á sviðinu :) En hún var alveg stífmáluð og meikuð, og leggur greinilega mikið uppúr útlitinu. Hún er listamaður og því má hún gera það sem henni sýnist. Verra var þó misnotknun eiginmanns hennar á hárkollum, því hans var augljósari en hennar. Að sjá þau bæði svona var algert higlight á deginum. A real Kodak moment. Svo eru hér nokkrar síður um hana. Hér er hægt að kaupa diskinn hennar á netinu. Hér er annar linkur þar sem hún er að munnhöggvast við fólk á netinu Smá grein um hana frá mogganum Hér er útlensk síða sem segir frá henni og komment um hana og hennar tónlist frá fólki sem hefur sent inn á síðuna. Snilldar síðan www.b2.is er með gott safn af geggjuðum linkum um hana og myndir og sögur.. algert must see. Offcial heimasíðan... ég verð að ráða þennan vefsíðuhönnuð í vinnu.. algert snilld. Að öðru....ég er búinn að vera í hrikalegum vandræðum með að velja mér prentara. Það eru Epson, Cannon og Hewlett Packard sem koma til greina. En hver.... Allir sölumenn segja sitthvorn hlutinn og engum kemur saman um neitt. Þetta er erfiðasta ákvörðun sem ég hef tekið í langan tíma. Ormur Karlsson vinur minn sagði að ég ætti ekki að taka Cannon, því þeir fengu gáfust upp á honum í vinnunni, en hann vinnur í tölvuversluninni www.task.is og þeir eiga HP búðina. Hann er samt ekki að bullshitta neitt. Skúli sagði að ég ætti að kaupa ódýrasta bastardinn sem ég finn, en þá eru þeir dýrir í rekstri, og svo framvegis. Sölumenn, vinir og bara allir. Þetta er alger martröð. Ég fór á netið og gramsaði í dómum og fleiru, og það versnaði þetta enn meir. HJÁLP... einhver..... Svo annað... við Freyja horfðum á myndina Hotel Rwanda í gær og það er rosaleg mynd og ótrúlegan atburð í mannkynssögunni. Einni milljón var slátrað með sveðjum og byssum á 6 mánuðum og heimsbyggðin gerði ekkert. Einn maður bjargaði yfir 1200 manns með því að múta og beita áhrifum sínum. Frábær mynd. Sem er tilnefnd til nokkura óskarsverðlauna. Og ég vona að hún eigi eftir að vekja umtal. Annað er fáránlegt. Hér er vefsíða um myndina, og hér er önnur. Ég hvet alla til að fletta henni upp og lesa viðtöl við aðstandendur myndarinnar og Paul Rusesabagina sem myndin fjallar um. Ótrúlegur maður. Google it. Thats it for now...

Jólin búin

Loksins eru þessu jól búin, það væri best að sleppa þessu, en þá fengi maður ekki pakka :( En það er einmitt umræðuefni þessa bloggs. Ég fékk nokkra góða pakka, fékk glös og handklæði og þannig stuff, svo fékk ég nokkrar DVD myndir. Return of the King extended version, og á því allar ext. útgáfurnar af LOTR. Svo fékk ég American Beauty með Kevin Spacey. Stevie Ray Vaughan, Live at Montreux, sem er rosa flottir tónleikar. Svo fékk ég líka Minority Report með Tom Cruise, og svo nokkrar bækur. Dauðans óvissi tími eftir Þráinn Bertelsson þar sem hann færir í stílinn en kemst víst ansi nálægt sannleikanum um það hvernig Björgólfur hraktist frá Hafskip og var að lokum ríkasti maður landsins með því að versla við mafíuna í Rússlandi og fleira. Lord of Misrule, Autobiography of Chistopher Lee, Aka, Saruman, Dracula, Count Dooku/Lord Tyrannus, Fu Manchu, Scaramanga with the Golden gun og fleira og fleira.... Magnaður leikari og geggjaður ferill. Við Skúli, Sveinbörn og einhverjir fleiri minnir mig sáum hann í Háskólabíói árið 1994 minnir mig þegar hann var hér sem dómari á Kvikmyndahátið, og flutti um leið fyrirlestur um Drakúla og þessar horror myndir frá Hammer sem hann lék mikið í. Svo sáum við myndina Nosferatu frá 1922. Hér er Chistorpher Lee að berjast við Yoda. Svo fékk ég líka bókina The Long Way Round eftir þá Charley Boorman og Ewan McGregor leikara. Þeir fóru frá London, gegnum Evrópu, Rússland, Úkraínu, Kazakstan, Mongólíu, Canada og USA á mótorhjólum. Tóku það upp og gerðu þættina The Long Way Round sem eru að mínu mati einir þeir bestu sem ég hef séð í langan tíma í sjónvarpi. 7 þættir og svo kom bók. Síðan þeirra er frábær og ég mæli með þessum þáttum fyrir alla. Alveg stórmerkilegir þættir og gaman að sjá það sem þeir gerðu og hvernig þeim leið og hvað kom fyrir þá á leiðinni. Einstaklega mannlegir og góðir þættir. Bókina er ég hálfnaður með og er gríðarlega skemmtileg. By the way, hér er mynd af þeim Ewan McGregor og Christopher Lee að berjast, því þeir leika í Star Wars saman. Núna er ég að hlusta á tónlistina úr Kill Bill myndunum, sem er rosalega fín, allskonar lög og að blogga, en er að fara að lesa meira úr The Long Way Round.... Until next time....

Loopman Returns III

Heij allir. Loxins er maður farinn að blogga aftur eftir smá hlé....rúmlega mánuð. Þetta verður stutt í kvöld allavega og ég held áfram á morgun. Allavega, ég var að horfa á eina mestu vírdó mynd sem ég hef séð lengi....Elvis has left the building...farið á imdb.com og skoðið allt um hana. Freyja grét af hlátri yfir myndinni og ég hló að Freyju. Annars hefur þetta meðal annars komið fyrir mig og mína síðan síðasta blogg kom í desember. Ég átti ammæli 3 des. Ég fékk einhverja helvítis pest sem hindraði mig í blogginu meðal annars. Ég kaypti jólagjafir og gaf þær, fór norður til tengdó og át veislumat og smákökur í marga daga. Svaf í bílnum, þegar rafmagninu sló út á leið okkar heim til Reykjavíkur í klikkuðu veðri í Borgarnesi. Drakk svo kaffi úr Elvis bollanum mínum og bloggaði þetta. Well þetta var allavega stiklað á stóru... meira á morgun.

Bilað blogg

Ég gat ekki bloggað í gær því ég komst ekki inn á svæðið mitt á blogger.com. Best að blogga smá núna og svo meira á morgun vonandi. Ég hef ekki gert mikið því ég fékk hálsbólgu og eitthvað þannig rugl, hausverk og nefstíflu. Svaka stuð. Þannig að ég er ekki í gríðarlegu stuði til að rita eitthvað sniðugt. Langar samt að þakka Skúla fyrir commentið, þar sem hann fer á kostum rétt eins og ég í síðasta bloggi í "ritsmíðum". Maður má ekki hrósa sjálfum sér, en hér á þessu bloggi ræð ég. Ég get hent út kommentum og gert hvað sem er, so fuck you if you dont like it. Ástæða þess að ég er svona orðljótur er að ég var að horfa á True Hollywood History, sem fjallaði um Courtney Love ekkju Kurt Cobain úr Nirvana. Og hún er orðljót með eindæmum. Þannig að það er ekki við mig að sakast, heldur sjónvarpið. Ég er bara fórnarlamb aðstæðna og sjónvarpsins. En eins og allir vita, verður fólk klikkað af því að horfa á sjónvarp. Menn fá ferkönntuð augu og allt. En það versta er að allt sem maður sér í sjónvarpinu gerir mann morðóðann og kolklikkaðann. Mig langar að drepa......drepa...en hvern langar mig að drepa? Þetta er soldið sikk þegar mann langar að drepa einhvern en veit ekki hvern. En svona er ísland í dag.... kræst þetta var innantómt.

Alveg stórmerkilegt atvik

Það er gott að vera byrjaður aftur að blogga, tók mér smá pásu. Kallast oft ritstífla eða leti. Alveg stórmerkilegt atvik henti mig í gær. Þannig er mál með vexti að ég og hún Freyja mín fórum í bæinn að kaffihús, bara tvö á sunnudagskvöldi. Kíktum á Te og Kaffi en það var lokað, og því ákváðum við að fara á Súfistann í Máli og Menningu. Eftir að hafa skoða bækur í kjallaranum, allt frá DaVinci Code upp í hardcore Sci-Fi, lá leið okkar upp á aðra hæð þar sem Súfistinn selur sitt fokdýra kaffi, og ég mein það er dýrt, um 310 kr einn fokking bolli. Svo er það í svona stofnanakönnu líka, þannig að það er staðið og fúlt. Kommon gæs, ég er kaffisnobbari og það er allt Gunnari að kenna, hann kenndi mér að drakka Svaaart kaffi og Steeerkt á Svarta Kaffinu þar sem við félagarnir ræddum heimsspeki, bókmenntir, heimsfræði, stjórnmál og samfélagið og allir hlustuðu af mikilli athygli hér á árum áður. Aaa minningarnar..... :)

Ehhmm.. Aftur að Súfistanum, við Freyja fórum það inn einhvern laugardaginn fyrir nokkrum vikum, staðurinn var fullur af fólki, það voru næstum öll borð fullsetin, og við ákváðum að fara þaðan út því þetta var eins og koma inn í "The Twilight Zone" því þar var fullt að fólki en alger þögn. Ég meina, það er minni þögn á bókasöfnum og í kirkjugörðum á nóttinni... Alger jarðarfarastemming og ef fólk ætlaði að fá sér kaffi og tala saman eins og fólk gerir hefði maður bara truflað alla sem voru að lesa þarna inni. Þannig var þetta líka núna, en ekki eins margir inni. Við álpuðumst aftur uppí bíl sem var lagt fyrir framan gamlan stað sem við Skúli djömmuðum á sællar minningar hér um árið. Ég segi við Freyju, "hey, kíkjum hingað inn fyrst við erum hér". Sem við og gerðum.

Staðurinn hefur ekki breyst neitt, en það er samt meira kúl að koma inn þegar Jimi Hendrix byrjar á Foxy Lady, heldur en krappí lagi með Aerosmith sem ég þekki ekki einusinni, og miðað við að það var róleg stemming þarna inni, og ekki mikið reykt, var tónlistinn allt og hávær og allt of leiðinleg, áðurtaldir Aerosmith og Guns 'n' Roses. Alger mood killer á þessu desíbel leveli. Ég gekk inn í leðurjakkanum mínum, með nýju Baskahúfuna mína og í Real Madrid treyju innanundir. Sem er nátturulega svalt við fyrstu sýn, en þegar maður skoðar þetta betur, þá var og er Real Madrid flaggskip og stolt spænska einræðisins og konungsins, en Baskar búa í Barcelona og þar í kringi í Cataunia eða Katalóníu, og þeir myndu frekar deyja heldur en að halda með eða láta bendla sig við Real Madrid. Þegar ég var í þessum galla og hitti Magga rauða um daginn sagði hann að ég væri líklega stjórnleysingi bakvið kratagrímuma. En hvað um það, ég gengi inn á undan Freyju, hún sest, ég geng hægt að barnum og spyr barþjóninn sem sat uppi á barborðinu með lappirnar uppi á hinu barborðinu; "ertu með gott kaffi?" Hann varar að bragði "nei ég er bara með vont kaffi" og ég greindi pirring úr úrillsku í röddinni og fyrirlitningu fyrir viðskiptavinum staðarins í andliti hans. Ég svar að bragði og segi með hægum Clint Eastwood tón; "Ég ætla að fá tvo vonda kaffibolla hjá þér". Hann strunsaði að kaffivélinni sem malaði kaffið sjálf og hellti upp á tvo eðal kaffibolla með flottri froðu og góðu bragði. Svo henti hann bollunum tveim á barborðið og með og ég rétti honum 500 krónu seðil, borgaði kaffið og spurði hann hvort það væri ábót á kaffið, sem hann svaraði með því að gefa mér hundrað kónur til baka um leið og hann hreytti í mig fúllyndu "nei". Virkilega gaman að lenda inni á svona stað þar sem barþjónninn drepur alla stemmingu, því barþjónar eiga að vera hressir, kammó, sálusorgarar okkar borgaranna. Samt ljómaði ég þegar ég fór með kaffið til Freyju sem sat með blá augnskugga og rauðan varalit útí horni og beið. Ég sá gamlan vin okkar Skúla þarna inni, á sama stað og hann var síðast.

Best að lýsa þessu eins og þetta væri i skáldsögu.....Hér er í raun fyrsta örsagan mín sem hér birtist, og vænti ég dóma frá lesendum um hana.... Ég gekk að barnum og hafðu hugsað mér að panta kaffi. Barþjónninn var pirraður og ég hugsaði með mér að best væri að hafa hann góðann. Um leið og hann gengur að kaffivélinni lít ég til hliðar og sé mér til mikillar ánægju og undrunar gamlan góðkunningja. Hann sat í sínum vanalega stól og horfði ofan í bjórglasið sitt. Ég leit á hann og hann leit upp og augu okkar hefði mætst ef yfirvaraskeggið hans hefðu ekki byrgt honum sýn. Ég fann fögnuðinn hríslast um mig og ég náði að halda aftur að brosinu í nokkrar sekúndur. Hann var kominn aftur. Eða hafði hann aldrei farið? Var það bara ég sem fór? Margar spurningar og minningar skutust upp í hugann á þessum nokkru sekúndum sem við störðum hver á annan, aftur, eftir öll þessi ár. Hann var í nýjum jakka. Ég saknaði gamla gallajakkans með Disney myndinni á brjóstinu, og mér varð hugsað til Skúla, sem ekki vildi fara þarna inn til að byrja með hér um árið. Ég tók við afganginum af barþjóninum og snérist á hæl með tvo kaffibolla og gekk til dularfullu konunar sem sat í horninu og beið mín. Ég settist niður og sagði við hana; "Hann er kominn aftur, Stanislav er kominn aftur." The end.

Helgin búin

Föstudagurinn var fínn, skrapp á tónleikana. Þeir voru ansi góðir, nema það að Nýdönsk tók ekki nógu mikið af frægu lögunum sínum. Sem er alltaf leiðinlegt þegar um svona tónleika er að ræða, þá finnst mér að það verði að taka lög sem fólk þekkir vel. Ekki bara þetta nýja stuff þeirra og nokkur gömul. Spilamennskan var góð hjá bæði Sinfóníunni og Nýdönskum. Sinfónían spilaði fyrst ein, og í hléinu var einhver kelling að tala um að "þetta væru nú engir klassíkerar þessir áhorfendur, og kynnu ekki að vera á svona tónleikum" og eitthvað þannig rugl. Þarna komst í snertingu við menningar elítuna svokölluðu. Þeir jú, vita allt betur en við hinir :) And they have real power..... Ég fann þá að ég var "out of place" þarna inni, en sem betur fer voru fleiri eins og ég. En samt, þetta var soldið skerí, rétt eins og að fara út að borða og vera við hliðina á Michael Corleone og félögum hans í Mafíunni. Cosa Nostra og Íslenska Menningar Elítan eða Í. M. E. eru ekki eitthvða sem maður tekur létti. Tónleikarnir voru teknir upp í video og þeim útvarpað beint. Tvö lög voru tekin aftur því líklega á að gefa þetta út á DVD síðar. Eftir tónleikana sluppum við úr klóm Í. M. E. og fórum í bæinn og svo fljótlega heim. Föstudagarnir eru oft frekar erfiðir, sérstaklega ef eitthvða djamm er í gangi, því við vöknum svo snemma á þeim dögum eins og venjulega, eða um klukkan 5,25 um morguninn.

Laugardagurinn var fínn, vaknaði snemma og fór að taka til í skápum, henda margra ára drasli og grisja allskonar bækur og rusl. Vorum í því alveg til að verða 16.00 þegar við förum á opnun á ljósmyndasýningu á Ljósmyndasafni Reykjavíkur sem heitir "Fyrir og eftir" og er konseptið portrett myndir sem hefur verið breytt, annaðhvort með photoshop eða svokallaðri "retouching" aðferð. Skoðið allt um þessa sýningu hér. Svo fórum við á Café Paris og ég drakk verulega þunnt kaffi þar, en það var samt fínt. Ég Freyja og Helga vinkona hennar sátum þar og ræddum listir og fleira í kósí stemmingu, rigning og rok fyrir utan, en næs inni. Kaffiilmur og þannig. Svo fórum við heim og horfðum á myndina Ray. Ævisaga Ray Charles, sem er blindur tónlistarsnillingur. Leikarinn Jamie Foxx fer alveg á kostum sem Ray. Fín mynd og frábær tónlist. Maður áttar sig ekki á hvað hann var miklvægur í tónlistarsögunni fyrr en maður sér þessa mynd.

Sunnudagurinn var svipaður, vorum áfram í skáparuglinu og fórum svo á aðra sýningur, þessi var á Listasafni Íslands Erró safninu. Það var ekki opnun, og þvi ekki pelsklæddar kellingar og vín. Sú sýning var mikið betri en þessi ljósmyndasýning, sem er sú slakasta hingað til sem ég hef séð. Þessi sýning er um grafíska hönnun á hverdagslegum hlutum eins og Ópal pakkanum og strætómiðum og fleiru. Sjáið allt um þetta hér. Svo fóru Freyja og Helga sem aftur kom með okkur á þessa sýningu á Kjarvalsstaði og ég fór heim að horfa á Manchester United gegn Manchester City, sem var því miður 0-0 jafntefli. Svo kláruðum við íbúðina okkar og elduðum kjúkling og höfðum það bara gott frameftir kvöldi.

Mánudagurinn var þannig að við Freyja hittum Gunnarinn í gymminu um morguninn. Síðan fór ég heim og pabbi sótti mig klukkan 12 og við sáum fyrirlestur frá fyrrum sendiherra Bretlands í Finnlandi. Kona sem leit út eins og góð amma, en er alveg eitilhörð, og sérfræðingur í varnamálum Evrópu og samskiptum og infrastrúktúr Evrópusambandsins og Nató. Hún talaði um vald og tilgang og framtíð og fortíð þessa sambanda og virkni þeirra. Og ég sannfærðist enn meir að við V-Íslendingar verðum að fara inn í Evrópusambandið sem allra allra fyrst. Svo fórum við pabbi að kíkja á tölvuhluti og þannig. Og svo settist ég hér niður, ræddi við Skúlann á msn og rita þetta blogg....

Föstudagskvöldið....

Þá er komið föstudagskvöld og ég að fara á tónleika með Sinfóníuhljómsveit Íslands og Nýdönsk í Háskólabíói. Fékk boðsmiða frá mömmu og pabba. Þessu er útvarpað beint og allt. Svo þegar það er búið förum við að hitta vinnufélaga Freyju sem eru að fara út að borða og Freyja hefði farið með ef við hefðum ekki fengið þessa miða á tónleikana. Hvað gerist verður að koma í ljós. Núna er hún að mála sig uppvið spegil og ég að blogga og hlusta á Miss Sarajevo með U2 og Luciano Pavarotti. Bono er alltaf góður, en mikið djöfull er þessi Pavarotti góður söngvari maður, váááá.... Það er svo langt síðan ég hlustaði á Pavarotti síðast. Svo annað, ég er orðinn hooked á einum fáránlegasta leik sem ég hef prufað á netinu. BMX Backflips. Kíkið á hann og prufið :) Þetta er nátturulega bilun. Svo svona rétt í lokin.... Bandaríkin verða hér eftir kölluð, ekki bara af mér heldur öllum lesendum þessarar síðu, Jesusland, eða JL í skammstöfun. Þar ræður Dubvya eða Dobbelja eftir hvernig menn vilja skoða orða þetta, ríkjum. Enda stendur á Dollaraseðlinum; "In God We Trust". Hvað kemur guð peningum við? Er ekki sagt að peningar eða Mammon og Guð fari ekki saman. Kannski er það markmið Dubvya Brúsks að sameina Mammon og Guð í einn og sama guðinn. Hinn eina sanna miskunsama kapítalíska guð....

Fimmtudagurinn byrjaður

Sem er ekki merkilegt nema þetta flokkast sem annar í Bush....og þá í neikvæðri merkingu. Eða eins og fyrirsögnin á síðu tvö í DV. "Æ ekki 4 ár í viðbót með þessum." Ég fór í heimsókn til Gunnars í Kolaportið, Gni Portmann eins og hann er kallaður þessa dagana var hress að vanda og eftir að hafa gefið mér í nefið vorum við að ræða málin, og talið barst að hreyfingu og mataræði sem Gunnar er fróður um. Portmaðurinn var að ræða um að hann þyrfti að fara hreyfa sig aðeins, enda vinnur hann alla daga og er svo í Háskóla Reykjavíkur eftir vinnu í Viðskiptafræðinni. Ég sagði við hann, kondu með mér á námskeið í Hreyfingu á morgnana, sem byrjaði í morgun, og viti menn, Portmaðurinn einfaldlega hringir beint í Hreyfingu og skráir sig, mætir svo í morgun og stendur sig eins og hetja. Þetta er alvöru maður. Ef ég væri með hatt, tæki ég hann ofan fyrir honum. Þar sem ég er ekki með hatt núna, segi ég bara.... Gunnar hetja. Það eru ekki allir sem taka svona í mál, hvða þá að framkvæma þetta svona með stæl. Annars er pabbi að koma að sækja mig og ég ætla að fara á kaffihús með honum og fá mér morgunkaffi. Blogga meira síðar í dag ef ég nenni.

Ég vona að Kerry vinni í USA

Ég hef verið frekar latur að blogga síðastliðan daga, en ég er búinn að vera næstum því veikur, með slén og hor...og hausverk, og þá get ég ekki bloggað. Nenni því ekki og verð andlaus. Ég er að skána og ætla að blogga meira á morgun. En ég vona að John Kerry vinni Erkifíflið Géorg Dobbelja Brúsk. ANNAÐ VÆRI SKANDALL OG KOSNINGSVIK. Og hananú... andskotans.... argh.. En annars lítið að frétta, er bara búinn að vera taka til í skápunum heima og henda drasli. Og svo fór ég á fyrirlestur í hádeginu hjá sagnfræðingafélaginu. Síðan þeirra er vistuð hja Reykjavíkur Akademíunni. Næsti fyrirlestur verður líklega nokkuð merkilegur. Hér er línan stolin af síðunni; 16.11. Þorbjörn Broddason félagsfræðingur. Fjórða grein valdsins. Fjölmiðlar, áhrif og ábyrgð.

Allt hvítt

Ég vaknaði í morgun og það var allt hvítt af snjó. Sem betur fer var það nú ekki mikið, en nú er veturinn formlega kominn. Annars voru líflegar umræður á blogginu síðast, sem voru mjög skemmtilegar. Núna er maður frekar andlaus og því verð ég að skrifa texta sem fjallar í raun ekki um neitt. Það er ótrúlegt hvað maður getur bullað um ekkert ef maður verður að gera það. En því nenni ég ekki og þarf ekki að gera það. Það er hugsanlegt að ég fari á tónleika með KK í Iðnó í kvöld, en ef ég fer ekki hlusta ég líklega á þá beint á netinu. Gegnum tónlist.is. Go tjekk it át.

Mikill hæfileiki

Helgin var mjög fín.

Laugardagurinn var frábær, sunnudagurinn enn betri. sérstaklega þegar Manchester United vann Arsenal 2-0 í einum af stórleikjum vetrarins. Mikil dramatík og spenna. Miklir eftirmálar eins og venjulega. Það var nauðsynlegt að stoppa sigurgöngu Arsenal, eða Arse-Anal :) sem eru kalla sjálfa sig "The Gunners". Þetta lið er augljóslega lið perverta og kynvillinga eins og Gunnar Þorsteinsson í Krossinum kallar homma, og miðað við þá nafngift er fyrirliði verður að kalla fyrirliða Rass-Rass liðsins sem er franskur og svartur, kynvilling. Þessi setning hljómar eins og kynþáttahatur og hómófóbía, en svo er ekki. Við Freyja vöknuðum klukkan 8,10 um morguninn, og gátum ekki sofnað aftur þannig að við ákváðum að fara í Spinning klukkan 9. Það var roslegur tími, mikill hraði og keyrsla. Svo eftir blóð svita og tár og sturtu var farið að skoða stofu skenk í búðinni Inn-X. Hann kostar 39 þúsund, en við fengum hann á 19 þúsund því hann átti að fara á útsölu á næstu dögum og ég þekki sölumanninn aðeins. Addi (og Gerða) úr MS, Skúli og Sveinbjörn og Haukur þekkja þau líka betur en ég. Þau ganga á guðsvegum og trúin heldur þeim gangandi, enda búin að fatta, samþykkja og meðtaka kærleik Jesúm. Sem minnir mig á annað....Ég keyrði framhjá Mormónakirkjunni í Hafnafirðinum þegar ég var búinn að skoða skenkinn, því ég vað að hjálpa Magga rauða að henda drasli í sorpu. Þvottavél, ísskáp og fleira drasli, sem er ekki í frásögur færandi nema það að eini kosturinn við að vera mormóni er að maður verður, og er góður við sitt umhverfi og sinn náunga. Og maður má giftast mörgum konum. Lesið um Jósep Smið (Joseph Smith) í Paradísarheimt Halldórs Kiljan Laxness. Snilldarbók by the way. Og vorum við að ræða um þetta Mormónamál í bílnum og segir Maggi mér þá að það sé búið að banna fjölkvæni innan Mormónakirkjunnar, allavega hér á landi, og þá því augnabliki sá ég að ég myndi ekki snúast til þeirrar trúar. En ég komst að því að kristin trú er ekki svo ólík Mormónatrú, því innan hennar er fjölkvæni líka. Ef maður gengur í klaustur, þetta á við um konur eða nunnur eingöngu. Þá verða þær brúðir Krists. Sem sagt, þær giftast Kristi. En ef maður er munkur? Er þetta ekki þá löggilding á hjónabandi samkynhneygðra? Er ekki ósanngjarnt að bara konur megi giftast, og að Jesú eigi rosalega margar eiginkonur? Eru ekki allir jafn réttháir fyrir guði? Allavega....í annað.....Ég kom heim eftir púlið og við Freyja pöntuðum okkur Flatböku. Svo var hun étin og við slökuðum á í smá stund. Eftir það var farið í útskriftarveislu hjá Helgu Eyju vikonu Freyju. Þar var mikið um að vera, ostar og kex, vín, bjór og stelpur útum allt :) Vorum bara róleg og drukkum lítið. Samt var þessi pizzubið svolítið undarleg því við áttum 35-40 mín í biðtíma og við ákváðum að nota hann í að gera "eitthvað skemmtilegt" sem er ekki frásögur færandi, nema að pizzan kom eftir 20-25 mín, og sjaldan hef ég þakkað eins mikið fyrir að búa á 4 hæð :) því ef maður er truflaður við að gera skemmtilega hluti verður maður að vera snöggur, og í mínu tilfelli hafði ég líka smá tíma vegna allra stiganna :) Annyhoo....vorum svo bara í slökun og fórum svo heim til Helgu Eyju, vinkonu Freyju sem var að klára BS í líffræðinni fyrr um daginn. Þar var mikið af öllu, gleði, konur og vín. Við vorum bara róleg, drukkum tvo bjóra á mann og vorum bara spök.

Sunnudagurinn... Vaknaði og tók til meðan Freyja skrapp í vinnuna. Svo kom hún heim og mamma og pabbi komu í vöfflur og kaffi og sherry. Um leið og þau fóru hófst leikur Manchester United og Arsenal. Man vs Arse. Man vs Arse, hahah það er bara soldið fyndið :) Minnir soldið á Spare Ass Annie söguna eftir William S. Burroughs bítnikk skáldið mikla. Sem er þekktur í dag fyrir ritverk, heróin fíkn, líferni og það að skjóta konuna sína í hausinn og þannig drepa hana. Sagði við hana; "Lets do William Tell" setti epli á hausinn á henni og hitt ekki eplið heldur hausinn á henni. Burroughs þessi var mikill snillingur og þessi saga hans um Annie fjallar um mann sem byrjar að missa tennurnar og þær fara að vaxa í rassgatinu á honum, og rassgatið fer að tala og hann fer á sama tíma að skíta með munninum. Sem sagt alger snilld. Eða með orðum snillingsins og miðað við þann sora og þá snilld sem ég hef skrifað hér í dag og áður á þessa síðu...."Language is a virus". Þegar leikurinn var búinn tók Brasilíu kappaksturinn við í Formúlunni við. Minn maður Montoya vann fyrir BMW Williams. Kimi Raikkoned í öðru og Barrichello í þriðja sæti. Um kvöldið fórum við út í búð og elduðum okkur rosalega góðan kjúkling. Svo vorum við bara að kjafta og fórum snemma að sofa.

Mánudagurinn, fór með pabba að athuga tryggingarmál fyrir nýja bílinn þeirra og minn bíl, og húseigendatryggingar og þannig vesen. Svo keypti ég skenkinn, og fékk hann sendann um klukkan 17.30. Svo erum við Freyja búin að vera rífa úr hillum og tengja græjur og þannig vesen. Hún er bara soldið erfið :) því hún vill ekki breyta neinu. Ég er hinsvegar þannig að ég get breytt einu sinni í mánuði þessvegna :)

"We must find out what words are and how they function. They become images when written down, but images of words repeated in the mind and not of the image of the thing itself." - W.S. Burroughs

Búinn að ná mér

Jæja, pirringur gærdagsins er að skána, þó svo ég hafi ekki verið almennt pirraður, þá var soldið gaman að láta allt flakka. Núna er ég ansi mikið eftir mig eftir spinning tíman í morgun. Reyndar var hann ansi hressandi samt. Núna sit ég heima og blogga en er svo farinn út í Skeifu að versla. Sit og hlusta á Rod Stewart og Eric Clapton spila saman. Clapton bara á gítarinn reyndar. Lagið er Blue Moon, gamall slagari, af nýju Rod Stewart plötunni. Stardust, The Great American Songbook III, þar sem hann tekur slagara áranna milli 1910-1960 sirka. Maður er svo mellow að ég verð að drífa mig út annars blandast ég græna veggnum fyrir aftan mig í einhverskonar "mellow-fusion" og hverf að eilífu. Svo náði ég í tvo þætti af frábærri Sci-Fi seríu sem heitir Farscape, og var hætt, en vegna góðrar gagnrýni og þrýstings frá aðdáendum var endurvakin. The Peacekeeper Wars. Googlið það. Hlakka mikið til að horfa á það....blending in....gots to go.....

Afdalasamfélag

Síðustu dagar hafa að mestu farið í bílasöluráp með pabba og að laga tölvu fyrir vin hans pabba. Þessi tölva er 4 ára gömul með pentium III og 12 gíga disk. Svaka græja. Hún var með Win 98 stýrikerfi og stútfull af spyware, dailerum og öðru drasli. Setti inn XP, Spybot, Adaware og fleira. Núna er hún mikið betri. Svo fór ég í gær með Kristjáni frænda sem er ellefu ára og í kennaraverkfalli, í keilu, pool og þythokkí. Það var rosalega gaman og hann hafði mjög gaman af því. Svo kom Freyja heim rétt úppúr átta, eftir 12 tíma vinnudag, við borðuðum og fórum svo fljótlega að sofa.

Ég fór í gymmið í morgun klukkan 6,10 og var þrælað út í ansi erfiðum tíma. Gríðarlega hressandi samt. Svo fór ég heim og pabbi kom og við löguðum restina af tölvunni, stilltum outlookið og svoleiðis. Og það komst ég að því að það var engin tilviljun að náunginn sem svaraði símanum í þjónustuverinu, sem á að hjálpa fólki að setja upp netið, hjá Fjöltengi Orkuveitunar. Strákfíflið var dónalegt báða dagana. Maður á ekki að vera önugur og vilja ekki aðstoða fólk gegnum síma í þjónustuveri þegar menn eru FÁVITAR. Ríflektar illa á fyrirtækið, sem er varla á það bætandi eins og staðan er. Þar sem við borgum meira fyrir rafmagnið og vatnið svo hægt sá að byggja ónýtt hús og fjárfesta í risarækjueldi eins og homminn úr skransölu Varnarliðseigna gerir. Þessi skransali sem var bustaður bakvið gamalt herdrasl í Sölu Varnarliðseigna á sínum tíma, við það að halda framhjá eiginkonu sinni með öðrum karli, er enginn annar er frámmámaður þess vinnustarðar, sem reyndar var snilldar verslun, og frammámaður í B deildinni (B deild Sjálfstæðiflokksins, aka Framsókn) Alfreð Þorsteinsson. Sá maður er afadælingur og bjáni, hansfyrirtæki er rekið eins bjánalega og hægt er. Vá mikið er ég grimmur og bitur þessa stundina, þetta er alveg rosalegt. :) Svo fór með þetta að eftir leiðindi og vesen fékk ég að vita nafnið á mail servernum þeirra og þá tók þetta 5 mín að stilla inn. Helvítis íslensk þjónusta. Ekki var allt búið enn, þegar ég kom heim beið mín orðsending frá DHL hraðpóstþjónustinni. Ég hafði nefnilega pantað mér Real Madrid fótboltabúning, stuttbuxur og treyju, merkta 23 Beckham. Flott stuff, kostaði með sendingarkostnaði 65 pund, eða um 8500 krónur. Þegar ég skoða miðann, stendur þar að ég verði að borga 6666 kr. í tollkostnað. 6666 er ekki bara djöfulleg tala plús einn heldur fáránlega há upphæð til að borga af jafn ódýrri vöru og þetta. Næstum tvöfaldar verðið, og ástæðan, jú föt eru með 15% tolli og svo er það aðflutnings gjald og eitthvað annað gjald. Svo er aðal brandarinn, að ofan á toll, sendingarkostnað, vöruna og helvítis aðflutnings gjaldið borga ég virðisaukaskatt. Andskotans helvítis djöfull. Grrr, ahhrrrgg og pirringur. Svo kemur að titli þessa bloggs, þetta með Alfreð var bara útúrdúr og frekar rætið, en sannleikurinn er eitthvað sem verður að segja. Ha? Já....titillinn og ástæða þess að ég kalla hann Afdalasamfélag. Við á þessu skeri sem við köllum V-Ísland af því við erum svo vís? nei megnið af mínum samlöndum eru fávitar, og þeir kjósa þessa menn sem hér ráða yfir sig, og gleypa við öllu sem þeir segja og bjóða okkur upp á. Einokun, pólitíska spillingu, hæsta olíverð í heimi, fría þáttöku í stríð gegn Irak og margt fleira, en það sem mér þykir verst er þessi einangrunarstefna sem allt er að drepa. Hér hugsa menn og konur jafnt sem pólitíkusar, sem þeir hætta að vera mannlegir þegar þeir komast á þing, þá verða þeir heilalausir þrælar og "já" fígúrur þeirra sem ráða. Einskonar "lapdogs". Hér má ekki breyta neinu því það getur skemmt það sem fyrir er, og það borgar sig ekki að ganga í Evrópusambandið til að vera þjóð með öðrum þjóðum, heldur er betra að vera alein útí hafi og LÁTA ÞEGNANA BORGA HELVÍTIS TOLLA af öllu og engu. Oj bjakk. Bara að vera soldið neikvæður. Fuck that shit. Ég hata ykkur öll, nema þá sem lesa þessa síðu.

Brjálaður byssumaður.

Helgin var fín. Byrjaði á því að kaupa ammælisgjöf fyrir Andra sem kostaði helling, Stebbi borgaði helminginn. Gáfum honum Snóker kjuða í stað þess að gefa honum dvd mynd, eða síson af Simpsons á dvd. Það var svo flottur kjuði að ég hefði keypt einn handa mér ef það hefðu verið til tveir. Á leiðinni heim fann ég svona handrukkara og undirheimakylfu. Límband sem vafið hafði verið um sjálft sig og búið til úr því lítil en þung kylfa sem er mjúk, en þung. Athyglisvert að komast í návígi við undirheimana á umferðareyju á Suðurlandsbrautinni. Sérstaklega þar sem ég var með snókerkjuðann í tösku og hún var í svörtum plastpoka sem í fljótu bragði leit út eins og ég væri með haglabyssu undir hendinni í poka. Ég þorði ekki inn í verslanir eða neitt, af ótta við að fólk mesaði mig eða hringdi á lögreglu. Ég sé fyrirsögnina svona: "Brjálaður byssumaður reyndist vera með snókerkjuða." Samt er brandarinn með þetta blessaða afmæli sá að ég bauð Andra í fyrra í mitt afmæli og hann gat ekki komið. Hann hringdi í mig með 2 tíma fyrirvara og sagði að hann yrði að bíða eftir pabba sínum, sem var að leið í heimsókn til hans að hjálpa honum að hengja upp gardínur. Eins og það geti ekki beðið, og ekki að það taki langan tíma. Ég myndi ekki sleppa 30 afmæli fyrir það að hengja upp gardínur. Svo í þokkabót gaf hann mér ekkert, en ég gef honum dýra og flotta gjöf. Ég er ennþá hissa og í raun svekktur þó það sé ár síðan. Allavega er gott að vita hvar maður hefur fólk, og stundum er sælla að gefa en þyggja. Ammælið var fínt Mikki var rosalega fullur og sagði okkur frá einhverjum nágranna sínum sem stirppar alltaf fyrir hann. Svaka myndarleg kelling víst, og voru farnar 3 ferðir til að kanna hvort showið væri opið þetta tiltekna föstudagskvöld. En því miður var ekki svo.

Laugardagurinn var fínn lika. Byrjaði á því að vakna og horfa á Manchester United gera jafntefli við Birmingham í frekar slökum leik. Mínir menn í Manchester eru bara ekki að sýna sitt besta. Svo fórum við Freyja í kringluna og keyptum boli handa mér og henni og Asics Nimbus skó handa mér, sem ég er búinn að vera að bíða eftir leeeengi. Loxins fékk ég skóna mína :) Svo var það bara slökun. Pöntuðum pizzu og horfðum á Joey, Star Trek Enterpise, tvo þætti af hvoru, og myndina First Daughter sem var slæm. Og svo man ég ekki meira, kynlíf og leti bara held ég.

Sunnudagurinn var líka ágætur. Freyja og ég fórum í Kolaportið og keyptum harðfisk og flatkökur og rúgbrauð. Svo komum við heim og ég fór með Bjarna bróðir í pool. Ég vann 4-3. Enda átti ég harma að hefna síðan hann vann mig í golfinu í sumar. Og vegna veðurs og annarra aðstæðna náði ég ekki að spila við hann aftur til að hefna mín. Bjarni kíkti upp og fékk lánaðar myndir hjá mér. Svo fórum við Freyja á Grandrokk klukkan 20.00 þar sem sýndar voru 4 heimildamyndir um blues. Bæði tónleikar og alvöru heimildamyndir. Ein eftir leikstjóran Wim Wenders sem fjallaði um æfi 3 blúsara. Bæði var notast við leikin atriði og alvöru myndir. Svo sáum við tónleika frá The American Folk Blues Music Festival 1963-1966 í Þýskalandi. Rosalega flott efni. Eini gallinn var sá að allir og ég meina allir sem voru þarna inni fyrir utan mig og Freyju keðjureyktu. Það var alveg ótrúlegt að horfa á. Svo núna í dag setti ég fötin út á snúru og viðraði þau, en var að taka þau inn núna vegna þess að það er svo hvasst, og kalt...skítaveður.

Dópsalalistinn frægi og fleira

Stórmerkilegt atvik gerðist nú fyrir nokkrum dögum. Maður í Breiðholtinu birti lista yfir menn sem eru þekktir dópasalar. Málið á sér aðdraganda og um það var fjallað í DV. Kíkið hér og skoðið þetta athyglisverða framtak. Bæði það sem skrifað er og kommentin, stórmerkilegt. Maður þessi sýnir mikið hugrekki og er löngu tímabært að gera svona lagað. Verður spennandi að fylgjast með þessu þegar fram líða stundir. Annars er ég búinn að vera að pæla í þessi með snóker kjuðann, hann er ekki til að ná í stig, maður verður ekki mikið betri við það eitt að vera með eigin kjuða, en staðreyndin er sú að maður verður mikið stabílli. Ég fór í gær og prufaði nokkra kjuða á Billiard Barnum og það var verulega áberandi hvað mikill munur er á þeim og hversu beint maður nær að skjóta. Ef maður á eigin kjuða lærir maður að þekkja hann og stilla leðrið sem krítað er eins og maður vill jafa það. Svo náttúrulega er það sem mestu máli skiptir, það er að vara svalur í hvívetna. Nú þegar ég er hættur að ganga í æfingabuxum, kominn í svalari föt eins og svartar jakkafatabuxur og gallabuxur, leðurjakka og sólgleraugu, þá verð ég að vera með litla tösku sem inniheldur snókerkjuða. Það segir sig bara sjálft. Og líka er það algert bóhem að eiga eigin kjuða. Svo er ég ennþá í sjokki að þú Skúli sért ekki ennþá komin með eigin bowling kúlu, og að Haukur sé með snóker borð heima hjá sér. Ég verð að beita öllum brögðum til að vinna ykkur um jólin. Maður verður allavega að reyna....

Kominn aftur, aftur og aftur

Þá er maður kominn í bloggið aftur. Hellingur búinn að gerast, ég fékk ekki vinnuna hjá Vísa, ennþá, en það getur gerst síðar þegar þeir eru búnir að koma sínum málum á hreint varðandi starfið. Svo er ég hugsa um að kaupa mér snóker kjuða. Ég átti einn fyrir ansi mörgum árum síðan, en seldi hann og hef alltaf séð eftir því. En ef ég fæ ekki vinnu, þá get ég notað eitthvða af þeim tíma sem maður er ekki að leita að vinnu í að spila snóker ódýrt. Það kostar bara 200 kall og maður getur spilað eins lengi og mann langar ef maður er einn. Þá vaknar spurningin um hvort að ég verði ekki raunverulegur bóhem ef ég leita mér að vinnu af og til, fer á kaffihús, spái í umhverfið, ræði pólitík, og hangi á billiard stofunna þess á milli. Ég þarf að fá mér alpahúfu við blá frakkann minn. Er það ekki?